THILTHAWHAI 8:2 - Pathien Lekhabu Inthieng (BSI)

² Chun, Pathien ngaisak tuhaiin amanih Stephan chu an phûm a, nasatakin an ṭap a.

THILTHAWHAI 8:2 ပူးပေါင်းရင်းမြစ်များ

INṬANNA 23:2

Sara chu Kanaan rama Kiriath-arbaa chun a thi a (chu chu Hebron khuo a nih): chun Abraham chu Sara chunga ṭap ding le sûn dingin a hung a.

INṬANNA 50:9

Anni ruol chun tawlailîrhai le, sakawr chung chuong mihai an hang fe ve a; pâwl ruol lientak an nih.

2 SAMUEL 3:31

Chun, David chun Joab le a kuoma mipui po pohai kuoma chun, “In puonhai chu keithlêr unla, saiip puon sil unla, Abner chu sûn ro,” a ta. Chun, lal David chun hlâng chu a zui a.

2 CHANCHIN SUINA 32:33

Chun, Hezekia chu a thlatuhai lai a in ta a; David naupasalhai thlân in hang kainaa khan an phûm a; Juda mi po po le Jerusalema um po po chun a thi ni chun ropuitakin an râl a. Chun, a naupa Manasse chun ama aia chun ro a rêl ta a.

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

JEREMIA 22:10

Mithi ta dingin ṭap naw unla, ama chu sûn bawk naw ro; amiruokchu, mi a fe hmang ta ding chun nasatakin ṭap unla; ama chu a hung kîr ta naw ding lei le, a piengna ram chu a hmu ta naw ding leiin.

JEREMIA 22:18

Chuleiin, Juda lal Josia naupa Jehoiakim chungthua chun Lalpain hieng hin a tih: Ama chu “Aw ka unaupa,” tiin amanih, “Aw farnu,” tiin amanih, sûn naw ni hai a; “Aw lalpa,” tiin amanih, “Aw a ropuina chu,” tiin amanih, sûn bawk naw ni hai.

NAMBAR 20:29

Chun, mipui po poin Aron a thi ti an hriet chun Israel mihai po po chun ni sâwmthum an sûn a.

MARKA 6:29

Chun, a închûktirhai chun an hriet phingleh a ruong chu an vân hlawm a, thlânah an inzâl ta a.

LUKA 2:25

Chun, ngai ta, Jerusalema chun mi pakhat a hming Simeon a um a; ama chu mi feltak le Pathien ngaisaktak a na; Israel thlamuongtu ding chu a nghâk zing a, a chungah Thlarau Inthieng a um a.

THILTHAWHAI 10:2

Pathien ngaisak mi a na, a sûnghai po po leh Pathien an ṭi hlak a; mihai kuomah thil tamtak a pêk hlak a, Pathien kuoma khawm an ṭawngṭai rawp a.

THILTHAWHAI 2:5

Chun, vânkhuphnuoia hnam tin laia mi Pathien ngaisak Judahai Jerusalemah an châm a.

THILTHAWHAI 8:1

Chu ni chun, kohran Jerusalema umhai chu mîn nasatakin an suknawmna ṭan ta a; chuongchun, tirkohai bak naw chu Judai le Samari ram khaw tinah an indar ta vawng a.

THILTHAWHAI 8:3

Saula ruok chun kohranhai chu a suknawmna bêk bêk a, in tinah a lût a, a nuhmei a pasalin a hnûk dawk a, intângna inah a khum hlak a.

DÂN PAHNINA 34:8

Israel mihai chun Mosie chu Moab phaia chun ni sâwmthum an sûn a; chuongchun, Mosie sûna ṭap nihai chu a hung tâwp ta a.

1 SAMUEL 28:3

Samuel chu a thi ta a, Israel mihai po poin an ṭa a, ama khuo ngei Rama khuoa chun an phûm ta a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng ta a.