Chun, cheruba inthawk chun Lalpa ropuina chu a tungin a kai a; in kawtkhâr bula chun a ngîr ta a; chun, in chu sûmin a hung sip a, tuollai chu Lalpa ropuina var chun a hung sip ta a.
Chun, ka tho a, phaia chun ka fe ta a, chun, ngai ta, Kebar vadung sîra ropuina ka hmu ang el khan, chutaka chun Lalpa ropuina chu a ngîr a; chuongchun, bawkkhupin ka tlu ta a.
Nisienlakhawm, Jakobhai kuoma an bawsietna inhriettir dingin le, Israelhai kuoma an suolna inhriettir dingin Lalpa thlarau leia thilthawtheina dâm, rorêlna dâm le hrâtna dâm chun ka sip takzet a nih.
Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.
Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.
Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.
Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;
Ama chun Pa Pathien kuoma inthawkin chawimawina le ropuina a hmu a, chu lai chun ropuina nasataka inthawk chun hieng ang râwl hi a kuomah a hung tlung a, “Hi hi ka Naupa dittak, ka ilâwm bêk bêk a nih,” tiin.