THILTHAWHAI 7:52 - Pathien Lekhabu Inthieng (BSI)

⁵² In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

THILTHAWHAI 7:52 ပူးပေါင်းရင်းမြစ်များ

1 LALHAI 19:10

Ama chun, “Lalpa sipaihai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwlneihai kâwlhnâmin an sâthlum si a; a la um chu kei bak hi ka na, ka hringna mi lâkpêk an tum a nih,” a ta.

1 LALHAI 19:14

Chun, ama chun, “Lalpa sipaihai Pathien ta ding hin ṭhahnem ka ngai êm êm hlak a, Israel mihai hlak chun i thuthlung an nghatsan a, i maichâmhai an sukchim a, i zâwlneihai kâwlhnâmin an sât hlum si a; a la um chu keima bak hi ka na, ka hringna mi lâkpêk an tum a nih,” a ta.

2 CHANCHIN SUINA 36:15

A umna hmun le a mihai chu a lunginsiet leiin, an thlatuhai Pathien Lalpa chun an kuoma chun a tirkohai chu a tir a,

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 20:2

Pashur chun zâwlnei Jeremia chu a hrem a, Lalpa ina Benjamin dai kawtkhâr chunghnung lema um, intângna ina chun a khum a.

JEREMIA 26:15

Hi hi hre ngei unla, kei in mi sukhlum chun, nangni chunga le, hi khawpui chunga le, chu chu hluotuhai chunga chun mi thiem thisen chu in intlungtir ngei ding a nih; thil dikah, Lalpa chun in na hrieta hieng thuhai po po hi hril dingin in kuomah a mi hung tir a ni si a,” tiin.

JEREMIA 26:23

Aigupta rama inthawk chun Uria chu an hung ṭhuoi a, lal Jehoiakim kuoma chun an hung ṭhuoi ta a, chun, ama chun kâwlhnâmin a that a, a ruong chu mi narânhai thlâna chun a pei lût a.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 5:12

“Lâwm unla, nasatakin hlim ro; vânah in lâwmman a um râwn si a; chuong ang bawkin in hmaa zâwlnei umhai khawm an suknawmna hlak kha.

LUKA 6:23

Chu ni chun lâwm unla, hlimin inchâwm ro; ngai ta u, vânah in lâwmman a um râwn si a; chuong ang bawkin an thlatuhaiin zâwlneihai chungah an thaw hlak kha.

JOHAN 16:10

fel thua dâm thiemnaw chang an tih, Pa kuomah ka fe ding a na, nangnîn in mi hmu nâwk ta naw ding lei hin;

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

THILTHAWHAI 22:14

Chun, ama chun, ‘Ei thlatuhai Pathienin a ditzâwng hre ding le, Mi feltak chu hmua, a ṭawngbau khawm hre dingin a ruot ta che.

THILTHAWHAI 3:18

Nisienlakhawm, Pathienin zâwlnei po po bauah, Krista chun rinum a tuor ding thu ân hriettir lâwk kha; khâng ang khan ân tlungtir ta lem a nih.

THILTHAWHAI 3:24

Anih, Samuel um chena inthawk zâwlnei po po, an hnunga mihai leh, thu hril taphawt hai khan, tulai chanchin hi an hril lâwk bawk hlak.

THILTHAWHAI 4:10

nangni po poin hre ro, Israel mi po khawmin hre raw hai se, Nazareth Isu Krista krawsa in hemde Pathienin mithi laia inthawka a ikeitho nâwk kha, ama hming ngeiin hi mipa hi hitaka hin in hmaah damin a ngîr tah a ni hi.

1 THESSALONIKA 2:15

Chuong Judahai chun Lalpa Isu le zâwlneihai khawm an that a, keini khawm an mi hnawt suok a, Pathien an suklâwm naw a, mi po po an kal hlak;

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hmangai nêka mâni lâwmna chau hmangai lemtu dâm an ni ding a ni si a.

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hrietlâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih: