THILTHAWHAI 7:49 - Pathien Lekhabu Inthieng (BSI)

⁴⁹ Lalpain, ‘Vân ka ṭhungpha a na, Hnuoi ka kepha innghatna a nih; In ieng angin am mi bâwlpêk in ta? Ka châwlna hmun khawm ieng am a na?

THILTHAWHAI 7:49 ပူးပေါင်းရင်းမြစ်များ

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 CHANCHIN SUINA 6:18

Nisienlakhawm, thilthaw tinrêngah mihriemhai lai Pathien chu a khawsa ding am a nih? Ngai ta, vân le vânhai vân khawm chun nang chu a dâwl naw che a nih; hi in ka bâwl lem hi chu a chîn nasa âwm de!

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

JEREMIA 23:24

Lalpa chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ Lalpa chun a tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

MATTHAI 23:22

Tukhawm vân sâla inkhâm taphawt chun Pathien ṭhungpha le a chunga ṭhung chu sâlin ân khâm hlak a nih.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

JOHAN 4:21

Chun, Isûn a kuomah, “Nuhmei, ka thu awi rawh, hi tlânga kher naw khawm, Jerusalema kher naw khawm, Pathien chibai in bûk hun a tlung ding a ni tah.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.