THILTHAWHAI 7:44 - Pathien Lekhabu Inthieng (BSI)

⁴⁴ “A lim a hmu anga siem dinga Mosie hriltuin a ruot ang khan, ei thlatuhaiin thlalêra khan inhriettirna puon in chu an nei a.

THILTHAWHAI 7:44 ပူးပေါင်းရင်းမြစ်များ

1 CHANCHIN SUINA 28:11

Chun, David chun a naupa Solomon kuoma chun biek in tuolpûk lim le chutaka a in le, a sum siekhâwmna in le, chutaka a pindan chunghnunghai le, a pindan sûngrilhai le, zângaina ṭhungpha hmun dinghai lim chu a pêk a;

1 CHANCHIN SUINA 28:19

David chun, “Hieng po po hi Lalpa chun keima chungah ama kut ngeia ziekin a mîn hriettir a nih, hi riruongna sin po pohai hi,” a ti a.

2 CHANCHIN SUINA 24:6

Chun, lal chun thiempu laltak Jehoiada chu a ko a, a kuomah, “Thuthlungna puon ina dingin, Israel mipuihai le Lalpa siehlaw Mosie ruot leiman chu Jerusalem le Juda rama inthawka hung la dingin ieng dinga Levi mihai hi i tir naw am a na?

FESUOKNA 25:40

Chun, a riruong tlâng chunga inentir i ni angtak khan i siem ngei ding a nih.

FESUOKNA 26:30

Chun, biekbûk chu tlânga a riruong inhmutir i ni ang dan peiin în ngîr ding a nih.

FESUOKNA 27:8

Thingphêkhaiin maichâm chu a kawrawngin i siem ding a nih, tlânga inhmutir i ni ang tak khan siem a ni ding a nih.

FESUOKNA 38:21

Thiempu Aron naupa Ithamar kuta, Levi mihai rawngbâwlnaa hmang dinga Mosie thupêk ang peia an tiem angin, biekbûk, thuthlung biekbûka thil hmanghai belkhâwm chu hi hi a nih:

NAMBAR 10:11

Chun, kum hnina, thla hnina, chu thla ni sâwmhni ni chun sûm chu inhriettirna biekbûk chunga inthawk chun a lo invawr sâng ta a.

NAMBAR 18:2

Chun, Levi chi, i pa chi, i unauhaiin an zawm ve che a, i rawng an bâwl theina dingin i kâwl hnaiah inumtir la, amiruokchu, nang le i naupasalhai chu thuinhriettirna puon in bulah in um ding a nih.

NAMBAR 9:15

Chuongchun, biekbûk indin ni chun biekbûk, inhriettirna puon in chu sûmin a tuom mup a, chun, zântieng chun biekbûk chunga chun meichawk ang el hi a zîng zîngkâr chenin a um a.

HEBRAIHAI 8:2

Hmun Inthieng le biekbûk taktak, mihriem ibâwl ni lova, Lalpa ibâwl lema rawngbâwltu chu.

HEBRAIHAI 8:5

Chuonghai chun vân thilhai chu a lim le a hlim rawng an bâwl hlak a, Mosiein biekbûk a bâwl ding laia, “Tlânga enkhi ding i kuoma inentira um ang tak khan, iengkim siem dingin fimkhur rawh,” tia Pathienin a hril ang khan.

JOSUA 18:1

Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.

JOSUA 3:14

Mipuihai chu Jordan vadung kai dinga an puon inhaia inthawka an suok chun, thuthlung bâwm zâwntu thiempuhai chu mipui hmaa chun an fe a, bâwm zâwntuhai chu Jordan an va tlung a,