THILTHAWHAI 7:43 - Pathien Lekhabu Inthieng (BSI)

⁴³ Molok puon in le pathien Rephan arasi khawm chu, Chibai bûk dingin a lim in siemhai kha, In zâwm lem hlak a; Chuleiin, Babulon khaw khêl tieng Ṭhuoi hmang ka ti cheu,’ ti ziek ang khan.

THILTHAWHAI 7:43 ပူးပေါင်းရင်းမြစ်များ

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 18:11

Chun, Assuria lal chun Israelhai chu Assuria ramah a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir ta a;

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

AMOS 5:25

“Aw Israel sûngkuohai, kum sâwmli sûngin thlalêra khan inthâwinahai le thil inhlânhai ka kuomah in hung lâk am a nih?