THILTHAWHAI 7:38 - Pathien Lekhabu Inthieng (BSI)

³⁸ Ama chu thlalêra pungkhâwmhai laia Sinai tlânga betu vântirko kuoma le ei thlatuhai kuoma um kha a nih; ama chu a mi pêk sâwng dinga thu hringhai latu kha a nih.

THILTHAWHAI 7:38 ပူးပေါင်းရင်းမြစ်များ

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

THILTHAWHAI 7:30

Chun, kum sâwmli a tling hnungin Sinai tlâng thlalêrah chîmbukah meichawk lai vântirko pakhat a kuomah ân lâr a.

THILTHAWHAI 7:35

“Chu Mosie, ‘Hotu le rorêltu dingin tuin am a siem che a?’ tia an sêl chu, chîmbuka vântirko a kuoma inlâr khan a ṭhangpui a, Pathienin ama ngei chu hotu le sanhimtu ni fâwm dingin a tir a nih.

THILTHAWHAI 7:53

Vântirkohai ipêk sâwng Dân kha hmu zeta zâwm si lohai,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:2

Kawng tinrêngah a sâwt hle. Pathien thuhai an kuomah inkawltira a um lei a ni tak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4

Israel mi an ni si a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

GALATI 3:19

Annawleh, iengtiziea Dân chu um am a ni leh: Chithla thutiemna chu a hung hmakhat chu bawsietnahai leiin belsain a um a, vântirkohai hmanga palai kuta rêl a nih.

DÂN PAHNINA 33:4

Mosie chun dân a mi pêk a; Jakob mipuihai ta dingin ro hluo ding,

HEBRAIHAI 2:2

Vântirkohai hmanga thu hril hman kha a lo det a, bâwsietna le thuâwi nawna tinrênghai chun thungna feltak a hmu pei si chun,

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

HEBRAIHAI 5:12

A hun ngaituo chun inchûktirtu ni rau ta âwm in nia chu, Pathien thu inchûktirna bulhai chu inchûktir in ngai nâwk ta a; bu rum ni lova, nênetui la ngai mi ang in hung ni nâwk ta hi.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.