THILTHAWHAI 7:32 - Pathien Lekhabu Inthieng (BSI)

³² ‘Kei i thlatuhai Pathien ka nih, Abraham Pathien, Isak Pathien, Jakob Pathien chu,’ a lo ti a. Chuongchun, Mosie chu ân thin a, a en ngam ta naw a.

THILTHAWHAI 7:32 ပူးပေါင်းရင်းမြစ်များ

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 50:24

Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

1 LALHAI 19:13

chun, mei zoa chun râwl innêmtak el hi a hung suok a, chun, Elija chun chu chu a hriet chun a puonin a hmai ân khum a, a va suok a, pûk baua chun a va ngîr a. Chun, ngai ta, râwl chun a kuomah, “Hitaka hin ieng am i thaw a, Elija?” a hung ti a.

JOB LEKHABU (THE BOOK OF JOB) 4:14

Ṭitna ka chungah a hung tlung a, inthinna leh; Chu chun ka ruhai po po chu a sukhnîng hlak.

INPÂKNA HLABU 89:7

Mi inthienghai inrâwn khâwmnaa Pathien ṭiumtak, A kâwlvêla mi po po nêka ṭitak ding chu tu am a um leh?

FESUOKNA 3:15

Chu naw khawm chu Pathienin Mosie kuomah “Israel mihai kuoma chun, ‘In thlatuhai Pathien, Abraham Pathien, Isak Pathien le Jakob Pathien Jehova chun in kuomah a mi hung tir a nih,’ tîng i tih: hi hi kumkhuoa ka hming a nih, hi hi ṭhang po po mi hriet dân ding chu a nih.

FESUOKNA 3:6

Chu nawa khawm, “I thlatu Pathien, Abraham Pathien, Isak Pathien le, Jakob Pathien ka nih,” a ti a. Chun, Mosie chun Pathien chu a en ngam naw a, a hmai a thup ta a.

FESUOKNA 33:20

Nisienlakhawm, Ka hmêl chu hmu thei naw ti nih, tukhawm ka hmêl hmu chu an hring ding a ni si naw a,” a ti a.

FESUOKNA 4:5

“Lalpa, an thlatuhai Pathien, Abraham Pathien, Isak Pathien le Jakob Pathien i kuomah a hung inlâr ti an hriet theina dingin,” a ti a.

MATTHAI 17:6

Inchûktirhai chun chu chu an hrietin bawkkhupin an tlu a, an ṭi ta bêk bêk a.

MATTHAI 22:32

‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni naw a, mi hring Pathien a ni lem,” a ta.

MATTHAI 22:46

Chun, tukhawmin bau khat khawma an dawn thei ta naw a; chu ni chena inthawk chu tukhawmin thu dang hrim hrim khawma an indawn ngam ta nawh.

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

THILTHAWHAI 3:13

Abraham hai, Isak hai, Jakob hai Pathien, ei thlatuhai Pathien chun, a siehlaw Isu chu a chawimawi ta a ni hi; ama chu in inmantir a, Pilatin insuo a tum khawmin a hmaah in lo dit naw kha.

THILTHAWHAI 7:31

Chun, Mosiein a hmu chun, a thil hmu chu mak a ti hle a; chun, en dinga a va hnai laiin, Lalpa rawlin,

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,