THILTHAWHAI 7:25 - Pathien Lekhabu Inthieng (BSI)

²⁵ Mosie chun ama kutin Pathienin anni a sanhim ding ti a unauhaiin an hriet amanih a ta, nisienlakhawm, an hriet si nawh.

THILTHAWHAI 7:25 ပူးပေါင်းရင်းမြစ်များ

2 LALHAI 5:1

Chun, Suria ram lal sipai hotu Naaman chu Lalpain Suria mihai sanhimna dinga a lo hmang hlak leiin a hotupa ngaia chun mi ropuitak le inzaumtak el a na, ama chu mi huoisen hrâttak a ni bawk a, nisienlakhawm, ama chu inphâr a ni tlat el a.

INPÂKNA HLABU 106:7

Kan thlatuhai khan Aigupta rama khan i thilmak thawhai kha an hriet thiem naw a, I ngilneina nasatak kha an hriet zing ta naw a, Tuipui Sen-a khan, A Chunghnungtak lakah an hel ta lem a.

FESUOKNA 2:12

Chun, a ngha vêl a ngha vêl a, mi tukhawm an um nawh ti a hmu phingin Aigupta mi chu a vuok hlum a, phaiphinah a thuphmang ta a.

MARKA 9:32

Nisienlakhawm, a thu hril chu a ngaina an hriet naw a; ama hlak chu an indawn ngam si naw a.

LUKA 18:34

Chun, chuong thu hrim hrim chu a ngaina an hriet naw a; a thu hril chu anni ta dingin thupin a um a, ieng hril am a ni khawm an hriet nawh.

LUKA 9:45

Nisienlakhawm, a thu hril chu a ngaina an hriet naw a, an hriet thei nawna dingin ân thup a nih, chu thu hril chanchin chu ama hlak an indawn ngam si naw a.

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 15:4

Chun, Jerusalem chu an hang tlung chun, kohranhai, tirkohai, upahai chun an lo lâwm a, chun, Pathienin anni hmanga thil a thawhai po po chu an hril a.

THILTHAWHAI 15:7

Chun, an insêl rak hnungin Peter a tho a, an kuomah, “Unauhai, Jentailhaiin keia baua Chanchin Ṭha thu hrea awi dingin, Pathienin inhmaa nangni laia inthawka a mi ruotzie kha in hriet.

THILTHAWHAI 21:19

Chun, Paulain anni chibai a bûk zoin, a rawngbâwlna hmanga Pathienin Jentailhai laia thil ân thawtirhai chu a kip a kawiin a hril a.

THILTHAWHAI 7:24

Chun, anni laia mi pakhat sukrinum tuor lai a hmu a, a san a, suknawmnatna tuortu phuba chu a lâk a, Aigupta mi chu a sukhlum ta a.

THILTHAWHAI 7:26

Chun, a zîngah anni laia mi pahni an insuol laiin an kuom a hung tlung a, ‘Puhai, unau in nih annâwm; iengdinga indiknawtakin in inthaw am?’ tiin anni rem a tum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:18

Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

RORELTUHAI 15:12

Anni chun a kuomah, “Nang hi khuop chea, Philistin mihai kuta pe ding chein kan hung thla a nih,” an ti a. Chun Samsonin an kuomah, “Nangni chun chu mi sukhlum lo dingin ka kuomah ṭawng inkhâm ro,” a ti a.

1 SAMUEL 14:45

Chun, mipuihai chun Saula kuoma chun, “Israelhai laia hi sandamna ropuitak thawtu Jonathan hi a thi el ding maw? Teu lo e, Lalpa hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thawpui a ni si a,” an ta. Chuongchun, mipui chun Jonathan chu thi lo dingin an sanhim ta a.

1 SAMUEL 19:5

thi dâwn lovin Philistin mi kha a thaw a, chun Lalpain Israel mihai po po sandamna ropuitak a thawsuokpêk a, chu chu nang khawma i hmu a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.