THILTHAWHAI 7:2 - Pathien Lekhabu Inthieng (BSI)

² Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

THILTHAWHAI 7:2 ပူးပေါင်းရင်းမြစ်များ

INṬANNA 11:31

Tera chun a naupa Abram le, a naupa naupasal (Haran naupa) Lota le, a mo, a naupa Abram nuhmei Sarai chu a ṭhuoi a; Kanaana fe dingin Kaldaihai khuo Ura inthawk chun an suok tlâng ta a; nisienlakhawm, Haran an hung tlung a, chutaka chun umhmun an khuor ta a.

INṬANNA 12:1

Chun, Lalpain Abram kuoma chun, “I khuoa inthawk le i laibunghai laia inthawk le i pa ina inthawk chu suok la, ram ka lân entir ding che tieng chun fe rawh:

INṬANNA 12:5

Chun, Abramin a nuhmei Sarai le, a unaupa naupasal Lota le an sum themsuok po po le, Harana an mi neihai chu a ṭhuoi a; Kanaan rama fe dingin an suok a. Kanaan ram chu an tlung chun,

INṬANNA 15:7

Chun, a kuomah, “Hi ram hi hluo dinga pe ding che a, Kaldaihai khuo Ura inthawka ṭhuoi suoktu che Lalpa kha ka nih,” a ta.

INṬANNA 29:4

Jakob chun an kuomah, “Ka unauhai, khawtienga mi am in ni a?” a ti a. Anni chun, “Harana mi kan nih,” an ti a.

NEHEMIA 9:7

Abram chu thlanga, Kaldai ram Ur khuoa inthawka ṭhuoi suoka, a hminga Abraham saktu, Lalpa Pathien i nih;

INPÂKNA HLABU 24:10

Chu Ropuina Lal chu tu am a na? Sipaihai Lalpa chu, Ama ngei hi Ropuina Lal chu a nih.

INPÂKNA HLABU 24:7

Aw kul kawtkhârhai, in lu chung kha dawm sâng unla, Nangni kawtkhâr hlunhai, inkhai sâng ro: Chuongchun, ropuina Lalpa hi a hung lût ding a nih.

INPÂKNA HLABU 29:3

Lalpa râwl chu tuihai chunga chun ân ri a Ropuina Pathien chu a hung inri dur dur a, Lalpa ngei chu tui tamtak chunghaia chun a hung inri a.

ISAI 37:12

Hnam tin pathienhai chun, Gozan mihai dâm, Haran mihai dâm, Rezeph mihai dâm, Eden nau Telassar khuoa umhai dâm, a mi thlatuhaiin an sukbohmang hai kha, an sanhim am a nih?

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 12:41

Isaiin a ropuizie a hmu le a chanchin a hril lei hin chuong thu chu a hril a nih.

THILTHAWHAI 22:1

“Unauhai, pahai, tuhin in kuomah ka thiemna thu ka hril ding cheu a ni hi lo ngai ro,” a ta.

THILTHAWHAI 23:7

Chun, chu chu a hril phingleh, Pharisaihai le Saddukaihai an lo insêl a, rorêltuhai chu an inkhing ta a.

THILTHAWHAI 7:1

Chun, Thiempu Laltak chun, “Hieng thu hi ân dik am?” a ta.

1 KORINTH 2:8

Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 11:8

Ringnain Abraham chu koa a um lai khan, a rohluo ding hmuna lût dingin fe suok thu chu a pawm ta a; chun, a fena ding tieng khawm hre lovin a fe suok ta a.

JAKOB 2:1

Ka unauhai, ei Lalpa Isu Krista, Ropuina Lalpa, ring si chun mi thlier bîk nei naw ro.

JOSUA 24:2

Chun, Josua chun mi po po kuoma chun, “Lalpa Israelhai Pathienin hieng ang hin a ti a nih, ‘In thlatuhai kha inhma laiin vadung khêla khan an um hlak a; Abraham pa le Nahor pa Tera meu khawm kha; anni chun pathien danghai rawng an bâwl hlak a.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk si a,” tiin.