THILTHAWHAI 7:10 - Pathien Lekhabu Inthieng (BSI)

¹⁰ A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

THILTHAWHAI 7:10 ပူးပေါင်းရင်းမြစ်များ

INṬANNA 39:21

Nisienlakhawm, Lalpa chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

INṬANNA 42:6

Chun, Josef chu Aigupta ram chunga chun hotu a ni a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 44:18

Chu phingleh Juda chun Josef chu a va hnai a, “Aw pu, lunginsiettakin i siehlaw hi i hrietah thu bau khat mîn hriltir rawh, i lunginsen chu i siehlaw chunga hin inchawktir naw la, nang chu Pharao ang el i ni si a.

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

1 LALHAI 8:50

chun, i mi i chunga thil suksuoltuhai le nanga chunga an bawsietna kawnga an bawsietnahai po po chu ngaidam la; sala ṭhuoituhai chun anni an lunginsiet theina dingin lunginsietna inneitir la;

INPÂKNA HLABU 22:24

Ama chun rinum tuortu rinumzie chu a hmusit naw a, a tirdak bawk nawh; A hmai chu a kuoma inthawkin a thup naw a, Ama a ko chun a lo ngai lem hlak.

INPÂKNA HLABU 37:40

Lalpain anni chu a ṭhangpuiin a sanhim hlak a, Amaa chun an tlûklût leiin; Mi rilohaia inthawk chun a sanhimin a sandam hlak.

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

THUVARHAI 2:6

Lalpa chun varna a pêk si a; A baua inthawk chun hrietna le hrietthiemna hung suok a tih.

THUVARHAI 3:4

Chuongchun, mihriem le Pathien mithmuah, Hrietthiemna ṭha le ditsakna hmûng i tih.

JEREMIA 39:12

“Ṭhuoi la, ama hi ṭhatakin enkawl la, sukpawi naw rawh; amiruokchu, i kuoma a hril ang ang chun thawpêk lem rawh,” a ta.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

JAKOB 5:11

Ngai ta u ! tuortuhai chu hamṭha ei ti a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.