THILTHAWHAI 6:9 - Pathien Lekhabu Inthieng (BSI)

⁹ Nisienlakhawm, Sal suokhai, Kurinia mi dâm, Alexandra khuoa mi dâm, inkhâwmna an tia mi ṭhenkhat leh, Kiliki rama mi dâm, Asia ram mi inkhâwmna ina mi ṭhenkhathai an hung inthawk a, Stephan chu an hung sêl a.

THILTHAWHAI 6:9 ပူးပေါင်းရင်းမြစ်များ

MATTHAI 10:17

Nisienlakhawm, mihriem lai chun fimkhur ro, rorêltuhai an inmantir ding cheu a ni si a, inkhâwmna inahai vuong an ti cheu a;

MATTHAI 23:34

“Ngai ta u, chuleichun, in kuomah zâwlneihai, mi varhai, inchûktirtuhai, ka hung tir ding a nih; ṭhenkhat sukhlum in ta, krawsah hemdêng in tih, ṭhenkhat inkhâwmna inhaiah savun hruiin vuong in ta, khaw tinah suknawmna zui pei in tih.

MATTHAI 27:32

Chun, an fe suok laiin Kurini khuoa mi, a hming Simon an hmu a; chu mipa chu a kraws put dingin an man a.

MARKA 13:9

“Nisienlakhawm, fimkhur ro, rorêltuhai an inmantir ding cheu a nih; inkhâwmna inhaiah vuong an ti cheu a, keia leiin hotuhai le lalhai hmaah anni inhriettirna dingin la ngîr bawk in tih.

LUKA 21:12

Nisienlakhawm, chuong po po tlung hma chun, man an ti cheu a, inkhâwmna ina mihai le intângna ina mihai kuoma ṭhuoiin suknawmnâng an ti cheu, keia hmingin lalhai le hotuhai hmaah ṭhuoi an ti cheu.

THILTHAWHAI 11:20

Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve ta a.

THILTHAWHAI 13:1

Chun, Antiokeia kohran lai chun thu hriltuhai le inchûktirhai an um; chuong chu Barnaba hai, Simeon Niger an ti hai, Kurini khuoa Lukia hai, lal Herod unau Manaina hai, Saula hai leh an nih.

THILTHAWHAI 13:45

Nisienlakhawm, Judahaiin mipuihai chu an hmu phingleh an îtthîk bêk el a; Paula thu hril chu an sêlkal a, an hrilpâwi hle a.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 15:41

Chun, kohranhai chu sukdet peiin Suria le Kilikia ram a fang suok ta a.

THILTHAWHAI 16:6

Chun, Thlarau Inthiengin Asia rama thu hril a khap leiin Phrugia le Galati ram chu an fang suok a;

THILTHAWHAI 18:24

Chun, Juda pakhat a hming Apollo, Alexandria khuoa pieng, thuhril theitak, Ephesia chun a zu fe a; ama chun Pathien Lekha thuhai a hriet nasa bêk bêk a.

THILTHAWHAI 19:10

Chuong ang ruok chun kum hni lai a thaw a; chuongchun, Asia rama um po po, Judahai le Grikhai khawmin, Lalpa thu chu an hriet ta a.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.

THILTHAWHAI 21:27

Chun, ni sari chu a tling vângin Asia rama Judahai chun Paula chu Pathien biekinah an hmu a, mipui po po an infui a, ama chu an man a,

THILTHAWHAI 21:39

Paula chun, “Juda mi, Kiliki rama Tarsa khuoa mi ka nih, khaw narâna um ka ni nawh; mi lunginsiet la, mi po po kuomah thu mîn hriltir rawh,” a ta.

THILTHAWHAI 22:19

“Chun, keiin, ‘Lalpa inkhâwmna in tinah a ringtu che taphawt intângna inah ka khum a, ka vuok hlak kha an hriet si a;

THILTHAWHAI 22:3

chun, ama chun, “Juda mi ka nih, Kiliki ram Tarsa khuoa pieng ka nih; nisienlakhawm, hi khuoa hin Gamaliel ke bula inchûka inṭhang lien ka nih, ei thlatuhai Dân khermeitak chu inchûka um hlak ka nih, vawisûna nangni ang tak hin, Pathien ta dinga ṭhahnem bawk hlak ka nih.

THILTHAWHAI 23:34

Bawrsâp chun a tiem zoin Paula umna ram ân dawn a. Chun, Kiliki ram mi a nih ti a hriet phingleh,

THILTHAWHAI 24:18

Chuong lai chun, mipui khawm, sukbuoitu khawm um lovin, Pathien biekinah insukthiengin an mi hmu a.

THILTHAWHAI 26:11

Chun, inkhâwmna in tinah ka hrem rawp hlak a, Pathien inhrilsiettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei naw a.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

GALATI 1:21

Chu hnunga chun Suria le Kiliki ramahai ka hung ta a.