THILTHAWHAI 6:5 - Pathien Lekhabu Inthieng (BSI)

⁵ Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

THILTHAWHAI 6:5 ပူးပေါင်းရင်းမြစ်များ

INṬANNA 41:37

Chu thu chu Pharao le a siehlawhai po po chun ṭha an ti zâwng tak a ni a.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 15:23

Dawnna indik chun mi a suklâwm a, A huntaka thu a ni tak hril chu a va ṭha de!

MIKA 3:8

Nisienlakhawm, Jakobhai kuoma an bawsietna inhriettir dingin le, Israelhai kuoma an suolna inhriettir dingin Lalpa thlarau leia thilthawtheina dâm, rorêlna dâm le hrâtna dâm chun ka sip takzet a nih.

MATTHAI 23:15

Nangni Dân inchûktirtu le Pharisai vervêkhai in chung a rik; Saphun pakhat khawm siem dingin tuisuoriet le khawmuol in fe huol si a, chun, chuong anga a hung um phaleh ama chu nangni lethni rauin Hremhmun naupaah in siem hlak.

THILTHAWHAI 11:19

Chun, Stephan leia an suknawmnata indarhai kha, Phoiniki ram dâm, Kupra thlierkâr dâm, Antiokei dâm chenin an fe a, Judahai kuoma chau naw chu tu kuoma khawm thu an hril naw a.

THILTHAWHAI 11:20

Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve ta a.

THILTHAWHAI 11:22

chun, an chanchin chu Jerusalema kohran umhai naa chun a hung lût ta a; chuongchun, Antiokei chen chun Barnaba chu an tir suok ta a.

THILTHAWHAI 11:24

Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa ta a.

THILTHAWHAI 11:26

Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

THILTHAWHAI 11:27

Chun, chuong lai chun zâwlnei tuhai amanih Jerusalema inthawkin Antiokeia chun an zu fe a.

THILTHAWHAI 13:1

Chun, Antiokeia kohran lai chun thu hriltuhai le inchûktirhai an um; chuong chu Barnaba hai, Simeon Niger an ti hai, Kurini khuoa Lukia hai, lal Herod unau Manaina hai, Saula hai leh an nih.

THILTHAWHAI 15:22

Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an ti a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

THILTHAWHAI 21:8

Chun, a zînga chun kan suok a, Kaisari kan tlung a, Chanchin Ṭha hriltu Philip inah kan lût a, ama chu pasari hai lai khan pakhat a na, a kuomah kan châm a.

THILTHAWHAI 22:20

chun, i thu hretu Stephan thisen an insuo lai khan kei khawm an kâwlah ka ngîr a, ka lo remti a, a sukhlumtuhai puonhai dâm ka lo vêng tâwl bawk a nih,’ ka ta.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei naw a.

THILTHAWHAI 6:3

Chuongchun, unauhai, nangni laia varna le Thlaraua sip mi hming ṭha ruok pasari thlang ro; anni chu hieng thil rêltu ding hin siem ei tih.

THILTHAWHAI 6:8

Chun, Stephan chu zaidamna le thilthawtheinain a sip a, mi lai thilmak le inchikna ropuitak a thaw hlak a.

THILTHAWHAI 7:1

Chun, Thiempu Laltak chun, “Hieng thu hi ân dik am?” a ta.

THUPUONGSUO 2:15

Nang khawmin Nikolahai inchûktirna thu chuong ang bawka pawm tuhai amanih i umpui bawk a nih.

THUPUONGSUO 2:6

Nisienlakhawm, hi hi i ṭhatna chu a nih. Nikolahai thilthawhai i theida hi; chu chu kei khawmin ka theida ve a nih.