THILTHAWHAI 5:32 - Pathien Lekhabu Inthieng (BSI)

³² Chuong thu chu, a hretuhai kan ni hi, Thlarau Inthieng, Pathienin a thu zâwm taphawthai kuoma a pêk kha, a hretu a ni ve bawk a,” an ta, an dawn a.

THILTHAWHAI 5:32 ပူးပေါင်းရင်းမြစ်များ

JOHAN 7:39

(Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 10:44

Chun, Peterin chuong thu chu a hril lai tak chun, thu hretuhai po po chunga chun Thlarau Inthieng a hung tlung ta a.

THILTHAWHAI 13:31

Chun, Galili rama inthawka Jerusalema ama ruola hang fe vehai kuoma chun ni sâwt tak sûngin ân lâr hlak a; chuong mihai chu tuhin mi kuoma a thu hretuhai an nih.

THILTHAWHAI 15:28

Thlarau Inthieng le keinîn, hieng thu pawimaw naw hi chu phur rik zuol in chungah innghat naw inla, a ṭha kan tih;

THILTHAWHAI 2:32

Chu Isu chu Pathienin a keitho nâwk ta hrim a, chu chu kan rêng hin a hretu kan nih.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

THILTHAWHAI 5:29

Nisienlakhawm, Peter le tirkohai chun, “Mihriem thu nêkin Pathien thu kan zâwm lem ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:16

Thlarau ngei chun, eini thlarau leh, Pathien nauhai ei nih ti a mîn hriettir hlak.

2 KORINTH 13:1

Hi hi in kuoma ka hung a vawi thumna ding a nih. Hretuhai pahni amanih, pathum amani baua chun thu tinrêng sukdetin um a tih.

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.