THILTHAWHAI 5:31 - Pathien Lekhabu Inthieng (BSI)

³¹ Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

THILTHAWHAI 5:31 ပူးပေါင်းရင်းမြစ်များ

INPÂKNA HLABU 89:19

Chuong lai chun i mi inthienghai kuomah inlârnaah thu i hril a, “Mi pakhat hrâttak chunga chun ṭhangpuina kân nghat a, Mi pakhat, mihai laia inthawka thlang suok chu ka chawimawi ta a.

INPÂKNA HLABU 89:24

Ama kuoma ruok chun ka ngilneina le ka ringumna chu um a ta, Ka hming leiin a ki chu chawimawiin um bawk a tih.

ISAI 43:11

Kei, keima ngei hi, Lalpa chu ka nih; keima naw chu sandamtu hrim hrim an um nawh.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei Lalpa hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’ ” tiin.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

EZEKIEL 17:24

Chun, chu lova thing po pohai chun kei Lalpa chun thing insâng chu ka keihnuoi a, thing inhnuoi chu ka suksâng tah, thing hring chu ka sukṭâwl a, thing ṭâwl chu ka sukhring tah ti hrieng an tih; kei Lalpa chun ka hrilin ka thaw ta a nih,” tiin.

EZEKIEL 34:24

Chun, kei Lalpa hi in Pathien nîng ka ta, ka siehlaw David chu anni laia lal nîng a tih; hi hi kei Lalpain ka hril ta a nih.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

DANIEL 10:21

Nisienlakhawm, thudik zieknaa ziek chu hril ka ti che: hi thil chungchâng thua hin, i lalpa Mikael ti chau naw chu tukhawm a mi ṭan zo hrim hrim an um nawh.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâktaka khawm chun.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MARKA 2:10

Iengkhawm ni sienla, khawvêla hin, Mihriem Naupain suol ngaidam theina a nei ti in hrietna dingin,” (Zeng kuoma chun)

MARKA 4:12

chuongchun, ‘Hmu chu an hmu thei de a, hriet ruok chu an hriet thei nawna ding le na ruok chun an hriet thei de a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’ ” a ta.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet ta a, hi mipa hi khawvêl Sandamtu a ni ngei ti kan hriet tah,” an ta.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 13:23

“Chu thlahai laia chun Pathienin, thutiem ang peiin, Israelhai Sandamtu Isu a hung intlun a.

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

THILTHAWHAI 2:36

“Chuongchun, Isu in hemde ngei kha, Pathienin Lal le Krista ni fâwmin a siem tah ti, Israel hnam tinin hre mawl raw hai se,” a ta.

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 3:15

Hringna Siemtu chu in that a; nisienlakhawm, Pathienin ama chu mithi laia inthawkin a keitho nâwk tah; chu chu a hretuhai kan nih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

THILTHAWHAI 4:11

Nangni in bâwltuhai, in lung dehâwn, a kia lung ṭhangkaitak lo ni ta kha ama hi a nih.

2 KORINTH 2:10

Ieng kawnga khawm mi in ngaidam taphawt chu, kei khawmin ka ngaidam ve a; kei khawma ka ngaidam tasa chu, iengkhawm ka ngaidam ta chun, nangni leiin Krista hmaa chun ka ngaidam tah a nih;

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

PHILIPPI 3:20

Eini chu vân khuoletuihai ei ni si a. Sandamtu Lal Isu Krista hung ding chu ei nghâk zing a nih.

KOLOSSA 1:14

amaa chun ei intlanna ei hmu a nih-ei suolhai ngaidamna chu

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

TITA 2:10

kutkem hmang lo ding le, ringumna indik le ṭha po po suklang lemna dinga, Pathien ei Sandamtu inchûktirna thu chu iengkima an chawimawi theina dingin infui rawh.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

2 PETER 1:11

chuongchun, Isu Krista ei Lalpa le Sandamtu chatuon rama lûtna chu nasataka inhmutir nîng in tih.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,