THILTHAWHAI 5:16 - Pathien Lekhabu Inthieng (BSI)

¹⁶ Chun, Jerusalem kâwl vêl khuoa inthawkin mipuihai khawm chu damnawhai, khawhri inthiengnaw isawisakhai hung ṭhuoiin an hung khâwm a; chuonghai khawm chu an hung dam ta seng a.

THILTHAWHAI 5:16 ပူးပေါင်းရင်းမြစ်များ

MATTHAI 2:16

Chun, Herodin mi varhai hlêmin a um ti ân hriet phingin a lung a sen bêk bêk a, mi a tir a, a hun laitak thu mi varhai nguntaka ân dawn suo ang khan, Bethlehem le a vêl po poa pasal naupang kum hnia inthawka hnuoitieng po po chu an rêngin a that ta vawng a.

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MATTHAI 8:16

Chun, khuo a hung inhnu chun, a kuomah khawhri imanhai tamtak an hung ṭhuoi a; thuin khawhrihai chu a hnawt dawk a, damnaw po po chu a sukdam bawk a:

LUKA 5:17

Chun, chuong lai chun, ni khat chu ân chûktir a. Chun, a kâwlah Pharisaihai le dân hretuhai ṭhungin an um a, chuonghai chu Galili ram le, Judai ram khaw tina inthawk le Jerusalema inthawka hung suok an na; chun mi sukdamna dingin Lalpa thilthawtheina chu a kuomah a um a.

LUKA 6:18

chuonghai chu a thu ngai nuom le an natnahai insukdam nuomin an hung a nih; chuongchun, khawhri inthieng naw isawisakhai khawm an hung dam ta a.

LUKA 9:11

Nisienlakhawm, mipuihai chun an hriet a, an zui pei a; chun, ama chun anni chu a lo lâwm a, Pathien ram thu a hril a, sukdam ngaihai chu a sukdam a.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

THILTHAWHAI 4:30

mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

THILTHAWHAI 5:15

Chuongchun, mi damnawhai khawm kawtthlêrhaiah an zâwn dawk a, khumahai, puonphaahai an inzâltir a, “Peter fe malamin a hlimin a ṭhen bêk a hlie theina dingin,” an ta.

THILTHAWHAI 5:17

Chun, thiempu Laltak le a ruolhai po po an hung inthawk a, (chuong a ruolhai chu Saddukai pâwl an nih,) an îtthîk bêk bêk a,

1 KORINTH 12:9

chun, mi dang kuomah chu Thlaraua bawk chun, ringna pêk a nih; mi dang kuomah Thlarau thuhmuna chun sukdam theina pêk a nih;

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.