THILTHAWHAI 5:14 - Pathien Lekhabu Inthieng (BSI)

¹⁴ Chun, a ring tharhai nuhmei le pasal tamtakin Lalpa kuoma chun an hung belsa nâwk zuol hlak a.

THILTHAWHAI 5:14 ပူးပေါင်းရင်းမြစ်များ

2 SAMUEL 6:19

Chun, mipui po po, Israel mi pumpuihai chu a nuhmei a pasalin mi tin el chu bei hlawm khat le sa tlin khat le grêp ra emṭâwl bâwr khat a sem seng a. Chuongchun, mi po po chu mâni in tieng an fe ta seng a.

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el si a.

NEHEMIA 8:2

Chuongchun, thla sarina, ni khat niin thiempu Ezra chun pungkhâwmhai nutling, patling le a hrethiem thei chin po po hmaa chun Dân chu a hung chawi a.

FESUOKNA 35:22

Lungrila pêk nuomna nei po po, pasal le nuhmei khawm, an hung a; puon kilnahai, hnâra khaimi kuolhai, hmingnamna kutsebihai, bânbunhai, rângkachak incheina chihai po po an hung chawi a; mi tinin Lalpa ta dingin rângkachak thilpêk an inhlân ta a.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

THILTHAWHAI 11:24

Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa ta a.

THILTHAWHAI 2:41

Chun, a thu zâwm taphawt chun baptisma an chang ta a; chu nia chun mi sâng thum lai belsain an um a.

THILTHAWHAI 2:47

Pathien an inpâk a, mi po po lâwmzâwngin an um hlak a. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak a.

THILTHAWHAI 22:4

Hi Lama mihai hi sukhlum rau khawpin ka suknawmna hlak a, a nuhmei a pasalin ka khuop a, intângna inah kân khumtir hlak a.

THILTHAWHAI 4:4

Nisienlakhawm, thu ngaihai laia tamtakin an awi a; an tam tieng chu patling ruok khawm sâng nga lai an tling a.

THILTHAWHAI 6:7

Chun, Pathien thu chu a hung indar a; Jerusalema inchûktirhai an pung ta bêk bêk a; thiempu laia khawm mi tamtak chu ringna awi mi an ni ta a.

THILTHAWHAI 8:12

Nisienlakhawm, anni chun Pathien ram chanchin ṭha le Isu Krista hming Chanchin Ṭha Philip hril chu an âwi phingleh, a nuhmei a pasalin baptisma an chang ta a.

THILTHAWHAI 8:3

Saula ruok chun kohranhai chu a suknawmna bêk bêk a, in tinah a lût a, a nuhmei a pasalin a hnûk dawk a, intângna inah a khum hlak a.

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hni a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

THILTHAWHAI 9:31

Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um ta a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.

THILTHAWHAI 9:35

Chun, Ludda khuo le Saron phaia um po pohai chun Ainia chu an hmu a, Lalpa tieng an ngha tâwl ta a.

THILTHAWHAI 9:42

Chun, chu chu Joppa khuo po po chun an hriet ta vawng a; mi tamtakin Lalpa chu an ring ta a.

2 KORINTH 6:15

Belier le Krista khawmin ieng am inngeina an nei a? Annawleh, awinaw le awitu chun ieng am chan hmunkhat an nei a?

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.