THILTHAWHAI 4:31 - Pathien Lekhabu Inthieng (BSI)

³¹ Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

THILTHAWHAI 4:31 ပူးပေါင်းရင်းမြစ်များ

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

MATTHAI 21:22

Chun, iengkim ringtaka ṭawngṭaia in hni taphawt chu hmûng in tih,” a ta, a dawn a.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

THILTHAWHAI 14:3

Chuleiin, Lalpa thu huoitaka hrilin chutaka chun sâwt rei an um a, ama chun, inchikna le thilmakhai an kuta inthawtirin, a lunginsiet thu ân hriettir hlak a.

THILTHAWHAI 2:1

Chun, Pentikost ni a hung tlungin, an rêngin hmun khatah an um khâwm vawng a.

THILTHAWHAI 2:2

Chun, kârlovin vâna inthawkin ri thlipui hrâng angin a hung tlung ta phut a. Chu chun an ṭhungna in chu a suksip ta vawng a.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

THILTHAWHAI 4:13

Chun, Peter le Johan huoizie chu an hmu chun lekha thiemnaw le mi narân el an nih ti an hrietin, mak an ti hle a; Isu kuomah an um tah ti an hriet ta a.

THILTHAWHAI 4:29

Chuongchun, tuhin Lalpa, an mi vauzie hi ngai ta; i suokhai hi huoitakin i thu inhriltir la,

PHILIPPI 1:14

Lalpaa unau tam lemhai khawm chun ka kawl bunnahai leia lo awi tlatin, ṭi lovin Pathien thu hril kawngah an huoi nasa zuol a nih.

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.