THILTHAWHAI 4:30 - Pathien Lekhabu Inthieng (BSI)

³⁰ mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

THILTHAWHAI 4:30 ပူးပေါင်းရင်းမြစ်များ

FESUOKNA 6:6

Chuleiin, Israel mihai kuomah hril la, ‘Lalpa ka ni a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

JEREMIA 15:15

Aw Lalpa, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

JOHAN 4:48

Isûn a kuomah, “Inchiknahai le thilmakhai in hmu naw chun ring tawp naw ti niu,” a ta.

THILTHAWHAI 2:22

“Nangni Israel mihai hieng thu hi lo ngai ro; Nazareth Isu chu, Pathienin nangni lai thilthaw mak dâm, thilmak dâm, inchikna dâm inthawtirin ân hriet chiengtir cheu kha,

THILTHAWHAI 2:43

Chun, mi tinin an ṭi ta a; tirkohai chun thilmak le inchikna tamtak an thaw a.

THILTHAWHAI 3:13

Abraham hai, Isak hai, Jakob hai Pathien, ei thlatuhai Pathien chun, a siehlaw Isu chu a chawimawi ta a ni hi; ama chu in inmantir a, Pilatin insuo a tum khawmin a hmaah in lo dit naw kha.

THILTHAWHAI 3:16

Chun, ama hming ring leiin, a hming chun hi mipa in hmu le in hriet hlak hi a sukhrât tah a nih; anih, ama leia ringna hung um hin, in rênga mithmuah a sukdam var tah a ni hi.

THILTHAWHAI 3:6

Nisienlakhawm, Peterin, “Tangka le rângkachak iengkhawm ka nei nawh; nisienlakhawm, ka nei sun pêng ka ti che; Nazareth Isu Krista hmingin kein lâwn ta rawh,” a ta.

THILTHAWHAI 4:10

nangni po poin hre ro, Israel mi po khawmin hre raw hai se, Nazareth Isu Krista krawsa in hemde Pathienin mithi laia inthawka a ikeitho nâwk kha, ama hming ngeiin hi mipa hi hitaka hin in hmaah damin a ngîr tah a ni hi.

THILTHAWHAI 4:27

“Hi khuoa hin i siehlaw inthieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;

THILTHAWHAI 5:12

Chun, mi lai Pathienin tirkohai kutin inchikna le thilmak tamtak a thaw hlak a. Annirawi chu an rêngin lungril hmunkhatin Solomon Tuolpûka chun an inkhâwm hlak a.

THILTHAWHAI 6:8

Chun, Stephan chu zaidamna le thilthawtheinain a sip a, mi lai thilmak le inchikna ropuitak a thaw hlak a.

DÂN PAHNINA 4:34

Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?