THILTHAWHAI 4:29 - Pathien Lekhabu Inthieng (BSI)

²⁹ Chuongchun, tuhin Lalpa, an mi vauzie hi ngai ta; i suokhai hi huoitakin i thu inhriltir la,

THILTHAWHAI 4:29 ပူးပေါင်းရင်းမြစ်များ

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ṬAP HLA 3:50

Lalpain vâna inthawka a hung en a, a hung hmu hmakhat chun.

ṬAP HLA 5:1

Aw Lalpa, kan chunga thil hung tlung hi hre zing rawh; Ngai la, kan muolphona hi en ta.

EZEKIEL 2:6

Chun, nang mihriem naupa, anni chu ṭi naw la, hlo hlingnei le buorhai i kâwla chun umin, ainuvêt laia chun chêng la khawm, an thuhai chu ṭi chuong bawk naw la; sûngkaw hel hmang ni hai sien khawm an thuhaia chun ṭi naw la, an hmêl enin beidawng bawk naw rawh.

DANIEL 9:18

Aw ka Pathien, i na hung sit la, hung ngai ta; i mithai hung meng la, sukrêma kan umnahai le, i hming inchawia sak khuo hi hung en ta; kan felnahai ni lovin, amiruokchu, i zângaina leiin kan hninahai chu i hmaah kan hung intlun a ni lem si a.

MIKA 3:8

Nisienlakhawm, Jakobhai kuoma an bawsietna inhriettir dingin le, Israelhai kuoma an suolna inhriettir dingin Lalpa thlarau leia thilthawtheina dâm, rorêlna dâm le hrâtna dâm chun ka sip takzet a nih.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

THILTHAWHAI 14:3

Chuleiin, Lalpa thu huoitaka hrilin chutaka chun sâwt rei an um a, ama chun, inchikna le thilmakhai an kuta inthawtirin, a lunginsiet thu ân hriettir hlak a.

THILTHAWHAI 19:8

Chun, Paula chu inkhâwmna inah a lût hlak a, thla thum lai huoitakin thu a hril a, Pathien ram kawng thua chun a sêl a, mi ân hmin hlak a.

THILTHAWHAI 26:26

Hieng thu hi lal hin a hriet annâwm, a kuoma khawm ṭi lovin ka hril hi; hieng thil hi a kuomah iengkhawm ip a ni nawh ti indiktakin ka hriet deh, hieng hi in kila thaw a ni si naw a.

THILTHAWHAI 28:31

Pathien ram thu a hril a, Lal Isu Krista thu khawm huoitakin ân chûktir hlak, tukhawmin ama an khap si naw a.

THILTHAWHAI 4:13

Chun, Peter le Johan huoizie chu an hmu chun lekha thiemnaw le mi narân el an nih ti an hrietin, mak an ti hle a; Isu kuomah an um tah ti an hriet ta a.

THILTHAWHAI 4:21

Chun, anni chun an vau nâwk zuol a, an insuo ta a. Mipui leiin hremna remchâng an hmu nawh; an thilthaw lei khan mi po poin Pathien an chawimawi si a.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

THILTHAWHAI 9:27

Barnaba ruok chun ama chu a ṭhuoi a, tirkohai kuoma chun a hungpui a, lampuia Lalpa a hmua a biekzie dâm, Damaskaa Isu hminga huoitaka a thu a hrilzie dâm khawm chu an kuomah a hril ta a.

THILTHAWHAI 9:28

Chuongchun, Saula chu Jerusalema chun an kuoma lûtin a suok hlak a, Lalpa hmingin huoitakin thu a hril hlak a.

1 KORINTH 14:13

Chuleiin, ṭawng hrietlova thu hril chun, a hrilfie theina dingin ṭawngṭai raw se.

2 KORINTH 3:12

Chuongchun, chuong ang beiseina chu kan nei leiin iengkim kan hril suok hlak a nih;

PHILIPPI 1:14

Lalpaa unau tam lemhai khawm chun ka kawl bunnahai leia lo awi tlatin, ṭi lovin Pathien thu hril kawngah an huoi nasa zuol a nih.

1 THESSALONIKA 2:2

thlâwn nêk hmanin, in hriet ta angin, kha hma khan Philippia chun rinum tuor le inzaktaka siemin lo um ta inlang khawm, Pathien Chanchin Ṭha chu, kan Pathiena huoina neiin, dodâlna nasatak kârah, in kuomah kan puong ta lem kha.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.