THILTHAWHAI 3:25 - Pathien Lekhabu Inthieng (BSI)

²⁵ Nangni hi zâwlneihai le thuthlung nauhai in nih, Pathienin Abraham kuomah, “ ‘I thlahai leiin khawvêla hnam tin thawveng an tih,’ tiin in thlatuhai kuomah a tiem kha.

THILTHAWHAI 3:25 ပူးပေါင်းရင်းမြစ်များ

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 18:18

Abraham hi chi ropui le thilthawtheitak a la hung ni ngei ding a ni si a, amaa chun khawvêla chi tin an la thawveng ding a ni si a.

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwlnei a ni si a, ṭawngṭaipêk a ti che a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a ti a.

INṬANNA 22:18

i thlahaia chun khawvêla chi tin la thawveng an tih’ a tih,” tiin.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

1 CHANCHIN SUINA 16:16

Abraham kuoma a thuthlung le, Isak kuoma a inkhâmna chu.

1 CHANCHIN SUINA 16:17

Chu ma chu thuruot ni dingin Jakob kuomah a sukdet a, Israel kuoma kumkhawtluong thuthlung dingin;

NEHEMIA 9:8

chun, a lungril chu i hmaa chun ringumin i hriet a; Kanaan mihai, Hit mihai, Amor mihai, Periz mihai, Jebus mihai, Girgas mihai ram chu ama kuoma pe dingin, a thlahai chena pe dingin thu i thlung a; chun, i thu chu i hlen bawk a, feltak i ni si a.

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 96:7

Mi tina chi tinrênghai, Lalpa kuomah pe unla, Lalpa kuoma chun ropuina le hrâtna pe ro.

LUKA 1:72

Ei thlâtuhai kuoma a ngilneina suklang a lo tiem thu le, A thuthlung inthieng hre zing dingin,

THILTHAWHAI 13:26

“Unauhai, Abraham thla nauhai, nangni laia Pathien ṭi po pohai, eini kuoma hin hieng sandamna thu hi a mi hung inphur suok a ni hi.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:8

Hi hi ka ihril chu a nih: thlatuhai kuoma thutiemhai chu sukdet ding le Pathien thu ân dik ti inhriettirna dingin Krista chu sertanhai rawngbâwltuin a hung um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:13

Dân leiin Abraham le a thlahai kuoma chun khawvêl ro hluo ding thu chu tiem a ni naw a, ringnaa felna lei a ni lem.

GALATI 3:16

Chun, Abraham kuomah a nih thu chu tiema a lo um chu, a chithla kuoma khawm. Mi tamtak chungthu hril angin, “Chithlahai kuoma khawm,” a ti naw a, mi pakhat chungthu hril angin, “I chithla kuoma khawm,” a ti lem a nih, chu chu Krista chu a nih.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

GALATI 3:8

Pathien Lekha thu chun, Pathienin ringna leiin Jentailhai thiem ân changtir ding a nih ti hre lâwkin, “Nangmaa chun hnam tin malsâwmpêkin um an tih,” tiin Abraham kuomah Chanchin Ṭha chu a hril lâwk kha.

THUPUONGSUO 14:6

Chun, hnuoia umhai kuoma le, hnam tinrêng dâm, chi tinrêng dâm, ṭawng tinrêng dâm kuoma tlânginsampui dinga chatuon Chanchin Ṭha nei vântirko dang vânlaizâwla vuong ka hmu a;

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,

THUPUONGSUO 7:9

Chu hnunga chun ka hang en a, chun, ngai ta, mipui nasatak tûkhawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmu a;