THILTHAWHAI 3:15 - Pathien Lekhabu Inthieng (BSI)

¹⁵ Hringna Siemtu chu in that a; nisienlakhawm, Pathienin ama chu mithi laia inthawkin a keitho nâwk tah; chu chu a hretuhai kan nih.

THILTHAWHAI 3:15 ပူးပေါင်းရင်းမြစ်များ

LUKA 24:48

Chuong thil po po chu a hrepuitu in nih.

JOHAN 1:4

Amaa chun hringna a um; chu hringna chu mihriemhai var a nih.

JOHAN 10:28

An kuomah chatuona hringna ka pêk hlak; kumkhuoin bohmang naw ni hai a, tukhawmin ka kuta inthawkin mi lâkpêk bawk naw ni hai.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 5:26

Pa chun mânia hringna a nei ang bawkin, Naupa mânia hringna neiin a siem;

THILTHAWHAI 1:22

Johan Baptisma chena inthawka ei kuoma inthawka vâna ṭhuoia a um ni chen kha hieng a mi pâwl hlakhai laia mi pakhat, a thonâwkna mi hrietpuitu dingin a um ding a nih,” a ta.

THILTHAWHAI 2:24

Kha mipa kha Pathienin thina khuopnahai chu a sûtpêk a, a keitho ta a; ama chu thina chel sawng ruol a ni naw leiin.

THILTHAWHAI 2:32

Chu Isu chu Pathienin a keitho nâwk ta hrim a, chu chu kan rêng hin a hretu kan nih.

THILTHAWHAI 4:2

Mi an inchûktir le Isu leiin mithi laia inthawka thonâwk thu an hril leiin an lungninaw bêk bêk a.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

EPHESI 1:20

mithi laia inthawka a keitho lai le, inlalna dâm, thuneina dâm, thilthawtheina dâm, rorêlna po po dâm, hi khawvêla chau ni lova, khawvêl la hung tlung dinga khawma, hming sak tinrênghai chung daia vân hmunhaia a changtienga ân ṭhungtir laia kha.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.