THILTHAWHAI 28:8 - Pathien Lekhabu Inthieng (BSI)

⁸ Chun, Publia pa chu khawsik le santên invawiin a lo zâl zing a; chun, Paula a kuomah a lût a, a ṭawngṭai a, a chungah a kuthai ân nghat a, a sukdam ta a.

THILTHAWHAI 28:8 ပူးပေါင်းရင်းမြစ်များ

THILTHAWHAI 9:40

Nisienlakhawm, Peter chun an rêngin ân suoktir vawng a, a dingṭhaṭhuon a, a ṭawngṭai ta a; chun, ruong tieng chu a ngha a, “Tabitha, tho rawh,” a ta. Chuongchun, a mit a hung meng a, Peter chu a hmu phingleh a ṭhung ta a.

MARKA 6:5

Chun, mi damnaw tlâwmte chunga kut innghata a sukdam ti chau naw chu, chu hmuna chun thilmak dang hrim a thaw thei naw a.

MARKA 16:18

Rûlhai kut chungah dawm an ta, thina tûr iengang khawm dâwn hai sienla iengkhawm ti naw ni hai; damnawhai chungah an kut innghat an ta, dam pei an tih,” a ta.

MATTHAI 9:18

Chuong thu chu an kuoma a hril lai takin, ngai ta,hotu pakhat a hung a, chibai a bûk a, “Ka naunu tu el khan a thi a; nisienlakhawm, hung la, a chungah kut innghat la dam nâwk a tih,” a ta.

1 KORINTH 12:28

Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

1 KORINTH 12:9

chun, mi dang kuomah chu Thlaraua bawk chun, ringna pêk a nih; mi dang kuomah Thlarau thuhmuna chun sukdam theina pêk a nih;

MATTHAI 10:8

Damnawhai sukdam unla, mithi- hai keitho unla, phârhai sukthieng unla, khawhrihai hnawt dawk ro, a thlâwnin in hmu a, a thlâwnin pe ro.

MATTHAI 10:1

Chun, a inchûktir sâwm le pahnihai chu a ko a, anni hnawt dawk theina dingin khawhri inthiengnawhai chunga thuneina a pêk a; damnawna tinrêng le natna tinrêng sukdam theina dingin thuneina a pêk bawk a.

LUKA 13:13

Chun, a chungah a kut ân nghat a; chuongchun, kârlovin a ngîr tlûn nghâl ta a, Pathien ân pâk ta a.

LUKA 4:40

Chun, nisa tlâk ding laiin natna tum tuma na, damnaw nei taphawtin a kuomah an hung ṭhuoi a; chun, an rênga chunga chun kut ân nghat seng a, a sukdam ta pei a.

MARKA 7:32

Chun, mi pakhat nasêt, ṭawng khawm ṭawng fel thei lo hi a kuomah an hung ṭhuoi a, a chunga a kut innghat dingin an ngên a.

MARKA 5:23

“Ka naunu naupangte a thi vâng vâng a, a hung hara, a hung dam theina dingin, hunga a chunga i kut innghat dingin ka ngên che,” tiin a ngên ṭal a.

MATTHAI 12:13

Chu phingleh, chu mipa kuoma chun, “I kut phar rawh,” a ta. Chuongchun, a phar a, a khing tieng angin a dam ta var a.

THILTHAWHAI 28:7

Chun, chu hmun kâwla chun chu thlierkâra laltak a hming Publia ram a um a, ama chun a mi lo lâwm a, ni thum lâwmtakin a mîn tlungtir a.

THILTHAWHAI 28:9

Chu chu a thaw zo chun, chu thlierkâra natna nei po chu an hung a, an dam tâwl ta a; chuhai chun nasatakin an mi chawimawi a,