THILTHAWHAI 28:3 - Pathien Lekhabu Inthieng (BSI)

³ Chun, Paula chun thing têl khat ân khâwm a, meia chun a ti a, a lum leiin rûl a hung suok a, a kutah a chuk a, a kawp zing a.

THILTHAWHAI 28:3 ပူးပေါင်းရင်းမြစ်များ

JOB LEKHABU (THE BOOK OF JOB) 20:16

Rûl tûr chu fâwp a ta, Rûlriel tûrin ama chu sukhlum a tih.

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 41:24

Ngai ta u, iengkhawm in lo ni naw hi, in thil thaw khawm iengkhawm a ni bawk nawh, nangni thlangtuhai cheu chu mi tirdakumtak an ni hi.

ISAI 59:5

Rûlhmuk tuihai an awp kêu a, aium rîl puon an khâwng hlak; an tui fatuhai chu an thi hlak a, sukkawia a uma inthawk chun rûl a hung suok hlak.

AMOS 5:19

Sakeibaknei mâksan a, savawm intuokpui mi ang le, ina lût a, bang chunga kut innghat a, rûlin a chuk ang chu a nih.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

MARKA 16:18

Rûlhai kut chungah dawm an ta, thina tûr iengang khawm dâwn hai sienla iengkhawm ti naw ni hai; damnawhai chungah an kut innghat an ta, dam pei an tih,” a ta.

THILTHAWHAI 28:2

Chu ram mihai chun lunginsiet namênin an mi lo lunginsiet naw a; ruo a hung sûr lei le a dei leiin mei an sêm a, kan rêngin an mi lo lâwm a.

THILTHAWHAI 28:4

Chun, chu ram mihai chun thilhring a kuta inkhai zing chu an hmu chun, “Hi mipa hi tuolthattu a ni phawt el, tuipuia inthawkin tlân suok sienla khawm, Phuba latu chun a dam a awi ta naw a ni hi,” an ta.

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 6:9

mi hriet khawp naw angin, hming inthangtak siin, thi vâng vâng angin, ngai ta u, kan hring si a; thunun angin sukhluma um si lovin;