THILTHAWHAI 26:7 - Pathien Lekhabu Inthieng (BSI)

⁷ chu thutiem chu, ei hnam sâwm le pahniin, a sûn a zâna Pathien rawng ṭhahnemngaitaka bâwlin hmu an beisei hlak. Aw, lalpa, chu beiseina lei chun Judahaiin an mi hêk a ni hi.

THILTHAWHAI 26:7 ပူးပေါင်းရင်းမြစ်များ

EZRA 6:17

Chun, hi Pathien in inhlânnaa hin bâwngchal za khat, berâmchal za hni, berâmte za li an inhlân a; chun, suol thilinhlâna dingin Israel hnam lukipin kêlchal sâwmpahni an inhlân bawk a.

EZRA 8:35

Chun, sal intâng mihai intângnaa inthawka hung suokhai chun Israel Pathien kuoma chun Israelhai po po puolah; bâwngchal sâwmpahni le, berâmchal sâwmkuo paruk, berâmte sâwmsari pasari le; kêlchal sâwmpahni suol thilinhlâna dingin; pumrawhmang thilinhlânah an inhlân ta a; hieng po po hi Lalpa kuoma pumrawhmang thilinhlân a nih.

INPÂKNA HLABU 135:2

Lalpa ina ngîr hlak a, Nangni ei Pathien in inhuonna sûng tuollaia ngîr hlakhai.

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

LUKA 2:25

Chun, ngai ta, Jerusalema chun mi pakhat a hming Simeon a um a; ama chu mi feltak le Pathien ngaisaktak a na; Israel thlamuongtu ding chu a nghâk zing a, a chungah Thlarau Inthieng a um a.

LUKA 22:30

chuongchun, ka rama ka dawkâna in fâka in dâwn theina dingin; chuongchun, Israel hnam sâwmpahnihai ro rêlpêkin lalṭhungphaah la ṭhung in tih.

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

THILTHAWHAI 24:15

Chun, mi fel le felnaw thonâwkna um a tih ti Pathien tieng ka beisei a, hienghai khawm hin chu chu an awi ve bawk si.

THILTHAWHAI 26:2

“Lal Agrippa, Judahaiin an mi hêkna po poa ka thiemna thu vawisûn hin i hmaa ka hril ding lei hin lâwmin kân hriet;

THILTHAWHAI 26:3

hi hi ka lâwmna tak chu a nih; a bîkin Judahai hnam dân po po le thubuoihai i hriet hne êm leiin, chu chu ka vângnei kan tina a nih; chuleiin, muongtaka mi ngai pêk dingin ka ngên che.

THILTHAWHAI 28:20

Chuong kawnga chun nangni inhmupui ding cheuin le inbiekpui ding cheuin ka ko cheu a nih; Israelhai beisei kân ṭâwmpui leia hi khaidiet hi bun ka ni si a,” a ta.

PHILIPPI 3:11

mi thi laia inthawka thonâwkna chu ka chang thei duoiin tiin.

1 THESSALONIKA 3:10

In hmêl kan hmu theina ding le, in ringna tienga in tlâksamna kan phuhrûk pêk theina ding cheuin a sûn a zânin nasatakin kan ṭawngṭai zing a nih.

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.