THILTHAWHAI 26:20 - Pathien Lekhabu Inthieng (BSI)

²⁰ a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 26:20 ပူးပေါင်းရင်းမြစ်များ

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

ṬAP HLA 3:40

Ei lampuihai chu thaw ṭâl ei ta, zawngsuok ei ta, Lalpa kuomah inher kîr nâwk ei tiu.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

MATTHAI 3:2

“Sim ro, vân ram chu a hnai tah,” tiin.

MATTHAI 3:8

Chuongchun, sim hming input tlâkin ra ro.

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut ta a.

MATTHAI 9:13

Chuongchun, ‘Inthâwina dit lovin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni naw a, mi suolhai lem indawn dinga hung ka nih in sawnnaw,” a ta.

MARKA 6:12

Chuongchun, an fe suok a, mipuihai kuomah simna thu an hril a.

LUKA 1:16

Israel thlahai tamtak Lalpa an Pathien kuom tieng innghattir nâwk a tih.

LUKA 13:3

Ni lo e, ka hril cheu hi, nangni khawm in sim naw chun, chuong ang bawk chun bohmang vawng in tih.

LUKA 13:5

Ni lo e, ka hril cheu hi, nangni khawm in sim naw chun, chuong ang bawk chun bohmang vawng in tih,” a ta, a dawn a.

LUKA 15:10

Ka hril cheu hi, chuong ang bawkin, mi suol pakhat sim chunga hin Pathien vântirkohai an lâwm hlak a nih.

LUKA 15:7

Ka hril cheu hi, chuong ang bawk chun, mi fel sâwmkuo le pakuo sim chuong ding nei nawhai chunga nêkin mi suol pakhat sim chunga hin vânah lâwmna um lem a tih.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 15:19

“Chuleiin, hieng ang hin ka ruot a nih. Jentailhai laia Pathien tieng nghahai chu sukrinum naw inla,

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 20:21

Judahai le Grikhai kuoma khawm Pathien tienga lungril inlet thu le, ei Lalpa Isu Krista tieng ringna ding thu kân hriettir hlak kha.

THILTHAWHAI 26:17

Mi po po le Jentailhai kuta inthawkin sanhim ka ti che.

THILTHAWHAI 26:19

“Chuleiin, lal Agrippa, vâna mi inlâr chu ka sêl naw a,

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

THILTHAWHAI 9:35

Chun, Ludda khuo le Saron phaia um po pohai chun Ainia chu an hmu a, Lalpa tieng an ngha tâwl ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

2 KORINTH 3:16

Nisienlakhawm, an lungril Lalpa tieng an ngha pha pha inkhumna chu lâkhmang ni tâng a tih.

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

THUPUONGSUO 16:11

an nahai le an pânnahai leiin vâna Pathien chu an hrilsiet a; an thilthawhai chu an sim chuong nawh.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.

THUPUONGSUO 2:5

Chuongchun, i tlûktâkna chu hre zing la, simin, i thil thaw hmasa takhai kha thaw nâwk rawh; chuong naw chun, i kuomah hung ka ta, i sim naw chun i khâwnvar siena kha a hmuna inthawkin sawn ka tih.

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.