THILTHAWHAI 26:18 - Pathien Lekhabu Inthieng (BSI)

¹⁸ An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

THILTHAWHAI 26:18 ပူးပေါင်းရင်းမြစ်များ

INPÂKNA HLABU 119:18

I dân thua inthawka thilmak ka hmu theina dingin, Ka mithai hi mi sukvarpêk rawh.

INPÂKNA HLABU 146:8

Lalpa chun mitdelhai mit a sukvar hlak a, Lalpa chun kûn ngâwi ngâwi hai chu a keitho hlak a; Lalpa chun mi felhai chu a hmangai hlak.

ISAI 29:18

Chu nia chun nasêthai chun lekhabu thu chu nain hre tâng an ta, mitdelhai mithai chun inthim hnuoi le inthim laia inthawkin hmu tâng an tih.

ISAI 32:3

Chuongchun, hmutuhai mit chu fie naw naw ni a, hretuhai na chun ngai a tih.

ISAI 35:5

Chu pha chun mitdelhai mit chu sukmengin um a ta, nasêthai na chu sukvarin um a tih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 42:7

mitdelhai mit sukvar ding le, mi intânghai intângna ina inthawka ṭhuoi suok ding le, inthim laia ṭhunghai intângna ina inthawka ṭhuoi suok dingin.

ISAI 43:8

Mit nei si mitdelhai le, na nei si nasêthai chu, ṭhuoi suok ro.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 9:2

Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

MATTHAI 4:16

Inthim hnuoia ṭhunghai chun var nasatak an hmu a, Thina hmun le a hlima ṭhunghai chunga chun, Var a hung suok ta a,” tia a hril kha a hung tlung theina dingin.

LUKA 1:77

An suolhai ngaidamna dinga, A mihai kuoma sandamna thu inhriettir dingin;

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

LUKA 24:45

Chuongchun, Pathien Lekha Thu hrietna dingin an lungvar a sukvar ta a,

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 17:17

Anni chu thutakin sukthieng rawh, i thu chu thutak a nih.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

JOHAN 9:39

Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

JOHAN 9:5

Khawvêla ka um sûngin khawvêl êntu ka nih,” a ta, a dawn a.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 13:47

Chuong ang chun Lalpain thu a mi pêk a nih. ‘Jentailhai sukvartuah ka ruot che, Kâwlkawdawng chena sandamna in tlun theina dingin,’ ti ziek ang khan,” an ta.

THILTHAWHAI 15:9

chun, anni le eini thlier bîk lovin, ringnain an lungril a sukthieng ta a.

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 20:21

Judahai le Grikhai kuoma khawm Pathien tienga lungril inlet thu le, ei Lalpa Isu Krista tieng ringna ding thu kân hriettir hlak kha.

THILTHAWHAI 20:32

“Tuhin Pathien kuomah le a lunginsietna thuah kân kawltir cheu, chu chun a siem lien thei cheu a, mi inthienghai lai ro chan ân neitir thei bawk cheu a.

THILTHAWHAI 26:19

“Chuleiin, lal Agrippa, vâna mi inlâr chu ka sêl naw a,

THILTHAWHAI 26:23

khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 KORINTH 6:14

Awinawhai leh inruolnawtaka rîngkawl bât hmunkhatin um naw ro; rîtlona le felnain ieng am inṭawmna an nei a? Annawleh, inthim le varin ieng am inpâwlna an nei a?

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

GALATI 3:2

Hi chau hi in kuoma inthawkin lo hriet ka nuom: Dân thilthawhai leiin am Thlarau chu in hmu a, in ngaithlâka in ring leiin? Hieng lâwm hin in invêt a ni maw?

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 1:14

Chu chu Pathien ropuizie inpâkna dinga, ama ta ngeihai intlan suok phaa ei rohluona dinga zakhamna a nih.

EPHESI 1:18

Chuongchun, in lungril mithai sukvara umin hieng hi hung hre thei in tih:

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 2:8

Ringna leia lunginsietnaa sandam in ni si a, chu khawm chu nangnia inthawka suok a ni naw a, Pathien thilpêk a nih.

EPHESI 4:18

hrietnawna anniah a um, chu hrietnawna lei chun Pathien hringnaa inthawka ṭhea hung umin, an hrietnaa chun an hung inthim a nih; an lungril a ngawng leiin,

EPHESI 5:11

Chun, inthim thilthaw ra nei ngailohaia chun ṭhangna hrim nei naw ro, ṭhang nêk hmanin a thiemnawzie inhriettir lem ro;

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 10:14

Thil inhlân ṭum khat chauin sukthieng tahai chu chatuona dingin a sukfamkim ta si a.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 1:4

rochan se thei naw, inthieng nawna kai naw, chuoi thei naw, vâna in ta dinga a ikhêk chu hmu dingin.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

1 JOHAN 2:12

Nauhai, ama hming leiin in suolhai ngaidam a ni tâk leiin in kuomah ka ziek a ni hi.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.