THILTHAWHAI 26:10 - Pathien Lekhabu Inthieng (BSI)

¹⁰ Chuongang chu Jerusalemah ka thaw bawk hlak; chun, thiempu lalhai kuomah thu ka hmu a, mi inthienghai laia mi tamtak intângna inah ka khum bawk hlak a; chun, an sukhlum laiin sukhlum remti tieng ka ṭhang bawk hlak a.

THILTHAWHAI 26:10 ပူးပေါင်းရင်းမြစ်များ

INPÂKNA HLABU 16:3

Hnuoia mi inthieng umhai thua chu, Anni chu mi ṭha, ka lâwmna po po umnahai chu an nih.

THILTHAWHAI 7:58

Khuoa inthawk chu an hnawtsuok a, lungin an dêng a. A hretuhai chun tlangvâl pakhat a hming Saula ke bula chun an puonhai an sie tâwl a.

THILTHAWHAI 8:1

Chu ni chun, kohran Jerusalema umhai chu mîn nasatakin an suknawmna ṭan ta a; chuongchun, tirkohai bak naw chu Judai le Samari ram khaw tinah an indar ta vawng a.

THILTHAWHAI 8:3

Saula ruok chun kohranhai chu a suknawmna bêk bêk a, in tinah a lût a, a nuhmei a pasalin a hnûk dawk a, intângna inah a khum hlak a.

THILTHAWHAI 9:21

Chun, a thu hretuhai po po chun mak an ti hle a; “Hi mipa hi Jerusalema hi hming lamtuhai suknawmna hlaktu kha a ni naw am a nih? Chuong mihai chu thiempu lalhai kuoma khuop puma ṭhuoi, a hung san a ni kha,” an ta.

THILTHAWHAI 9:26

Chun, Saula chun Jerusalem a tlung phingleh inchûktirhai chu pâwl a tum a; anni ruok chun an rêngin ama chu an ṭi a, inchûktir a ni ve ti an ring naw a.

THILTHAWHAI 9:32

Chun, Peterin khawvêl a fang malamin, Ludda khuoa mi inthieng umhai kuomah a zu fe bawk a.

THILTHAWHAI 9:41

Chun, Peter chun a kut a pêk a, a keitho ta a; chun, mi inthienghai le hmeithaihai chu a ko a, damin an kuomah a ṭhuoi ta a.

1 KORINTH 15:9

Kei chu tirko laia chîntak, Pathien kohranhai ka suknawmna leia tirkoa inbûk tlâklo ka ni si a.

GALATI 1:13

Judahai sakhuo biek dâna chun inhmaa ka um dân chu in hriet ta si a, khânga Pathien kohranhai nasataka suknawmnain ka sukbuoi hlak kha;

EPHESI 1:1

Paula, Pathien ditzâwnga Krista Isu tirko chun: Mi inthieng Ephesia um, Krista Isua mi ringumhai kuoma chun:

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmu a. Ka hmu phingleh mak ka ti bêk bêk a.