THILTHAWHAI 24:14 - Pathien Lekhabu Inthieng (BSI)

¹⁴ Nisienlakhawm, hi thu hi i kuomah inphuong ka tih, ‘Chi hran,’ an ti, Lam dân angin ei thlatuhai Pathien ka biek hlak, Dân le zâwlneihai lekhabua ziek po po ringin.

THILTHAWHAI 24:14 ပူးပေါင်းရင်းမြစ်များ

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hni a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:21

Nisienlakhawm, tuhin Dân ṭhang lova Pathien felna chu suklangin a um tah; Dân le zâwlneihai thu khawma a hril kha a nih;

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 3:13

Abraham hai, Isak hai, Jakob hai Pathien, ei thlatuhai Pathien chun, a siehlaw Isu chu a chawimawi ta a ni hi; ama chu in inmantir a, Pilatin insuo a tum khawmin a hmaah in lo dit naw kha.

THILTHAWHAI 26:22

Nisienlakhawm, Pathiena inthawka ṭhangpuina ka hmu leiin vawisûn chenin mi chînhai le mi lienhai kuomah thu inhriettirin ka la um zing a, zâwlneihai le Mosiein hung tlung ding an ti thu chau naw chu thu dang hril lovin;

THILTHAWHAI 24:5

Hi mipa hi mi theidaumtak, khawvêla Judahai po po chawkbuoitu le, Nazareth pâwla a ṭhuoitu pakhat a nih ti kan hriet a.

2 TIMOTHE 1:3

A mi thlatuhai chena sie le ṭha hrietna inthiengtak neia a rawng ka ibâwl hlak Pathien kuoma chun lâwmthu ka hril a nih; a sûn a zâna ka ṭawngṭainahaia chun ka hrietpui zing hlak che a,

THILTHAWHAI 26:27

Lal Agrippa, zâwlneihai thu i awi am? I awi ti ka hriet,” a ta.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hrietlâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

TITA 3:10

Ringdân tum nei mi chu vawikhat vawihni kâwk hnung chun inthlawppui ta naw rawh;

GALATI 5:20

milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

THILTHAWHAI 26:6

Chun, Pathienin ei thlatuhai kuoma thu a tiem kha beisei kawng thuah tuhin hitaka hin rorêlpêk dingin ka ngîr hi;

THILTHAWHAI 24:22

Chun, Felik chun Lam thu chu a hriet fel ta leiin, “Sipai hotu laltak Lusia chu a hung tlung thla pha in thu la rem ka tih,” tiin a sie ta hri a.

THILTHAWHAI 22:14

Chun, ama chun, ‘Ei thlatuhai Pathienin a ditzâwng hre ding le, Mi feltak chu hmua, a ṭawngbau khawm hre dingin a ruot ta che.

THILTHAWHAI 19:9

Nisienlakhawm, a ṭhen chu an kawmaw a, an awi nuom naw a, mipui hmaah Lam thu chu an hrilsiet phingleh, ama chun anni a fe san a, inchûktirhai chu a kei hran a, ni tin Turanna inchûktirnaah a sêl hlak a.

THILTHAWHAI 13:15

Chun, Dân Lekhabu le Zâwlneihai lekhabu tiem zoin inkhâwmna hotuhaiin an kuomah mi an tir a, “Unauhai, mihai infuina thu ieng amanih in nei chun hril ro,” an ta.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 7:32

‘Kei i thlatuhai Pathien ka nih, Abraham Pathien, Isak Pathien, Jakob Pathien chu,’ a lo ti a. Chuongchun, Mosie chu ân thin a, a en ngam ta naw a.

THILTHAWHAI 5:30

Nangnîn Isu thinga khaikângin in sukhlum kha, ei thlatuhai Pathienin a keitho nâwk tah a nih.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

LUKA 16:29

Abraham ruok chun, ‘Mosie le zâwlneihai an nei annâwm; chuhai thu chu ngai raw hai se,’ a ta.

LUKA 16:16

Johan a hung hma po khan Dân le Zâwlneihai kha hmang an nih. A hung chena inthawk ruok chun Pathien ram chanchin ṭha hril a ni a, mitinin lût ngei an tum seng a,

LUKA 1:70

(Leihnuoi insieng tîra a zâwlnei inthienghai baua a hril ang khan).

MATTHAI 22:40

Hieng thupêk pahnia hin Dân thu le zâwlneihai thu po po ân khaikhâwm vawng a nih,” a ta.

MATTHAI 10:32

“Chuongchun, mihai hmaa a mi ṭan taphawt chu, ka Pa vâna mi hmaah ṭan vêng ka tih.

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

MIKA 4:2

Chun, hnam tamtakhai chu fêng an ta, “Hung unla, Lalpa tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni si a; Lalpa thu chu Jerusalema inthawkin a hung suok ding a nih.”

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

INPÂKNA HLABU 119:46

I thuinhriettir thuhai chu lalruol hmaah hril ka ta, Inzak naw ningah.

1 CHANCHIN SUINA 29:18

Aw Lalpa, kan thlatuhai Abraham hai, Isak hai, Israel hai Pathien, i mihai lungril ngaituonahai hi kumkhuoa dinga kawl zing dingin; an lungril chu nangmaa chun sukdet rawh;

FESUOKNA 3:15

Chu naw khawm chu Pathienin Mosie kuomah “Israel mihai kuoma chun, ‘In thlatuhai Pathien, Abraham Pathien, Isak Pathien le Jakob Pathien Jehova chun in kuomah a mi hung tir a nih,’ tîng i tih: hi hi kumkhuoa ka hming a nih, hi hi ṭhang po po mi hriet dân ding chu a nih.

THILTHAWHAI 19:23

Chun, chuong lai vêl chun Lam thu lei chun buoina namên lo a hung suok ta a.

THILTHAWHAI 15:5

Nisienlakhawm, Pharisai pâwl, ring ve tuhai amanih an tho a, “Jentailhai ser tan ding a nih. Mosie dân zâwm khawm anni chu tiem kher ding a nih,” an ta.

THILTHAWHAI 25:8

Chun, Paula chun a thiemna thu a hril a, “Judahai Dân chunga dâm, Pathien biekin thua dâm, Kaisar chunga dâm khawm, thil hrim hrim ka suksuol nawh,” a ta.

THILTHAWHAI 26:4

A tîra, ka naupang laia inthawk ka chihai lai le Jerusalema ka um dân kha Judahai po poin an hriet a.

THILTHAWHAI 28:22

Nisienlakhawm, hi pâwl hi ram tinah hrilsiet a ni si a, nangin iengtin am i ngai a hriet kan nuom,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:9

Ka ṭawngṭainahaia chun malovin ka hrietzing hlak cheu ti chu, A Naupa Chanchin Ṭha puonga ka thlaraua a rawng ka ibâwl Pathien chu a mi hrepuitu a nih.