THILTHAWHAI 24:10 - Pathien Lekhabu Inthieng (BSI)

¹⁰ Chun, Bawrsâp chun thu hril dinga Paula chu kuta a zâp phingleh, ama chun, “Nang kum tamtak hi chihai rorêl pêktu i nih ti ka hriet leiin lâwmtakin ka thiemna thu ka hril ding a ni hi.

THILTHAWHAI 24:10 ပူးပေါင်းရင်းမြစ်များ

LUKA 12:11

“Chun, inkhâwmna ina mihai, lalhai, hotuhai hmaa an ṭhuoi pha cheu chun, ‘Iengtin am, ieng thuin am dawn ka ta, ieng thu am hril ka ta,’ tiin lungkham naw ro,

LUKA 12:14

Nisienlakhawm, ama chun a kuomah, “Mihriem, nangni chungah tûin am rorêltu le, sum semtuah a mi siem a?” a ta.

LUKA 18:2

“Khaw ienga manih rorêltu pakhat a um a; ama chun Pathien a ṭi naw a, mihriem hlak a ngaisak bawk nawh.

THILTHAWHAI 12:17

Chuongchun, ama chun an tona dingin kutin a zâp a, Pathienin intângna ina inthawka a ṭhuoi suokzie chu a hril ta a. Chun, “Hieng thu hi Jakob le unauhai kuomah va hril ro,” a ta. Chun, a suok a, ram dangah a fe ta a.

THILTHAWHAI 13:16

Chun, Paula a ngîr a, kutin a zâp a, a hril a: “Israel mihai le Pathien ṭituhai, ngai ro.

THILTHAWHAI 18:15

nisienlakhawm, thuhai, hminghai, nangni dân chung thuhai mei mei a ni chun, nangnîn rêl lem ro; kei chu chuong ang thu chu ngaituo ka nuom naw ie,” a ta.

THILTHAWHAI 19:33

Chun, mipui laia mi ṭhenkhatin an thiemna thu hril dân ding chu Alexandra an hril a, Judahaiin ama chu mi hma tieng chun an nam lût a, Alexandra chun a kutin a zâp a, mi po po kuoma chun an thiemna thu hril a tum a.

THILTHAWHAI 21:40

Chun, a remti phingleh, Paula kailâwna chun a ngîr a, mi po po tona dingin kutin a zâp a; chun an to ṭhuop phingleh Hebrai ṭawngin an kuomah:

THILTHAWHAI 23:24

Chun, Bawrsâp Felik kuoma chun, himtaka ân tlun theina dingin, Paula an inchuongtirna dingin sahai lo siem ding a ti bawk a.

THILTHAWHAI 26:1

Chun, Agrippa chun Paula kuoma chun, “I thiemna thu hril thei i tih,” a ta. Chun, Paula chun a kut a phar a, a thiemna thu a hril a,

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.