THILTHAWHAI 23:6 - Pathien Lekhabu Inthieng (BSI)

⁶ Chun, Paulain a ṭhen Saddukai, a ṭhen Pharisaihai an nih ti a lo hrietin rorêltuhai lai chun a khêk a, “Unauhai, Pharisai ka nih, Pharisai naupa khawm ka nih; beiseina le mithi thonâwkna thuah suosalin ka um a ni hi,” a ta.

THILTHAWHAI 23:6 ပူးပေါင်းရင်းမြစ်များ

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.

MATTHAI 22:23

Chu ni ma chun, Saddukaihai, thonâwkna a um nawh tituhai chu a kuomah an hung a,

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

THILTHAWHAI 22:3

chun, ama chun, “Juda mi ka nih, Kiliki ram Tarsa khuoa pieng ka nih; nisienlakhawm, hi khuoa hin Gamaliel ke bula inchûka inṭhang lien ka nih, ei thlatuhai Dân khermeitak chu inchûka um hlak ka nih, vawisûna nangni ang tak hin, Pathien ta dinga ṭhahnem bawk hlak ka nih.

THILTHAWHAI 22:30

Chun, a zînga chun Judahaiin ieng leiin am Paula an hêka ti hriet fel tumin sipai hotu laltak chun ama chu a sût a, thiempu lalhai le rorêltuhai po po inkhâwm dingin thu a pêk a, Paula a ṭhuoi thlâk a, an hmaah ân ngirtir ta a.

THILTHAWHAI 22:5

Thiempu Laltak le upahai po po khawmin chuong thu chu an mi hrietpui thei, an kuoma inthawka unauhai pêk dingin lekha ka hmu kha; chun, Damaskaa um taphawt an hrem dingin, khuop puma Jerusalema ṭhuoi dingin ka fe kha.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 23:15

Chuleiin, nangnîn, rorêltuhai le a thu fel nâwkzuola ngaituo tum angin, in kuoma ṭhuoi thla dingin sipai hotu laltak kuomah pehêl deuin hang hril ro; in kâwl hnai a tlung hma khawmin keini ama that dingin kan inpei zing a nih,” an ta.

THILTHAWHAI 23:20

Chun, ama chun, “Paula thu fel nâwk zuola i ngaituo ding angin, zîngah rorêltuhai kuoma ṭhuoi thlâk dingin Judahaiin hni che an remti tlâng a.

THILTHAWHAI 23:7

Chun, chu chu a hril phingleh, Pharisaihai le Saddukaihai an lo insêl a, rorêltuhai chu an inkhing ta a.

THILTHAWHAI 24:15

Chun, mi fel le felnaw thonâwkna um a tih ti Pathien tieng ka beisei a, hienghai khawm hin chu chu an awi ve bawk si.

THILTHAWHAI 24:21

anni laia ngîrin, hi thu baukhat, ‘Mithi thonâwkna thuah vawisûn hin in hmaah suosalin ka um a ni hi,’ ka ti lei kha a ni nghâl naw chun,” a ta, a dawn a.

THILTHAWHAI 28:20

Chuong kawnga chun nangni inhmupui ding cheuin le inbiekpui ding cheuin ka ko cheu a nih; Israelhai beisei kân ṭâwmpui leia hi khaidiet hi bun ka ni si a,” a ta.

PHILIPPI 3:5

Ni riet nia sertan, Israel suona mi, Benjamin chia mi, Hebrai kâra Hebraia insieng ka nih; dân tienga chu Pharisai ka nih,

KOLOSSA 1:5

vâna in ta dinga beiseina siepêka in um leiin a ni a; Chanchin Ṭha thutak thua in lo hriet ta lei khan a nih.

HEBRAIHAI 6:19

Chu beiseina chu thlarau ta dinga thîrchakai angin him le dettakin ei nei a nih. Chu chu puonzâr hliea hmun thienghlimah chun a lût a,