THILTHAWHAI 22:14 - Pathien Lekhabu Inthieng (BSI)

¹⁴ Chun, ama chun, ‘Ei thlatuhai Pathienin a ditzâwng hre ding le, Mi feltak chu hmua, a ṭawngbau khawm hre dingin a ruot ta che.

THILTHAWHAI 22:14 ပူးပေါင်းရင်းမြစ်များ

2 LALHAI 21:22

chuongchun, Lalpa, a pi le puhai Pathien chu a mâksan a, Lalpa lampui chu a hraw naw a.

1 CHANCHIN SUINA 12:17

David chu anni tuok dingin a va suok a, anni chu a dawn a, an kuomah, “Kei mi ṭhangpui dinga muongumtaka hung in ni chun, ka lungril chu nangnia kawp tlat a ta, amiruokchu, ka kutin pawi a tâwk nawh ti hre zinga; ka hmêlmahai kuoma mîn mantir dinga hung in ni ruok chun, ei thlatuhai Pathien chun, chu chu en sienla cheu, kâwk raw se cheu,” a ta.

1 CHANCHIN SUINA 29:18

Aw Lalpa, kan thlatuhai Abraham hai, Isak hai, Israel hai Pathien, i mihai lungril ngaituonahai hi kumkhuoa dinga kawl zing dingin; an lungril chu nangmaa chun sukdet rawh;

2 CHANCHIN SUINA 28:25

Chun, Juda khawpui hmun tamtaka chun Pathien danghai kuoma riminhnik rawna dingin bâwlhmunhai a siem a, a thlatuhai Pathien Lalpa chu a chawk lungsen ta deu deu a.

2 CHANCHIN SUINA 30:19

hmun inthieng inthien dân anga, thieng lo khawm ni sienla, Pathien, a thlatuhai Pathien Lalpa chu zawng dinga a lungril a lo innghat ta phawt chu,” tiin.

EZRA 7:27

Jerusalema Lalpa in cheimawi dinga lal lungrila thil hienga sietu ei thlatuhai Pathien Lalpa chu inpâkin um raw se;

FESUOKNA 15:2

Lalpa chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

JEREMIA 1:5

“Phîng sûnga ka siem hma che khawma ka hriet che a, Sula inthawka i hung suok hma khawma ka sukthieng ta che a: Hnamhai kuoma zâwlnei dingin ka lo thlang ta che a nih,” tiin.

DANIEL 2:23

Aw nang kan thlatuhai Pathien, varna le hrâtna mi petu, Kân pâk che a, i kuomah lâwmthu ka hung hril hi, Kan hung ngên chu i mîn hriettir ta a, Lal thu chungchâng hi kan kuomah i hung inhriettir ta si a,” tiin.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

THILTHAWHAI 13:17

Hieng Israel chihai Pathien hin, ei thlatuhai a thlang a, Aigupta rama an thang zing lai khan a chawimawi a, bân pharin chutaka inthawk chun a ṭhuoi suok ta a.

THILTHAWHAI 22:15

I hmu le i hriet thua khan mi po po kuomah ama thu hretu nîng i tih.

THILTHAWHAI 22:18

chun, ‘Inhmaw la, Jerusalema inthawkin suok rawh; ka chanchin i hril ding chu an pawm âwm naw hi,’ a mi ti lai ka hmu a.

THILTHAWHAI 24:14

Nisienlakhawm, hi thu hi i kuomah inphuong ka tih, ‘Chi hran,’ an ti, Lam dân angin ei thlatuhai Pathien ka biek hlak, Dân le zâwlneihai lekhabua ziek po po ringin.

THILTHAWHAI 26:16

Nisienlakhawm, tho la, ngir rawh; hieng i thil hmuhai le, i kuoma ka inlarna ding thilhai leh chu rawngbâwla le hretua siem ding chein, i kuomah ka hung inlâr a ni hi.

THILTHAWHAI 5:30

Nangnîn Isu thinga khaikângin in sukhlum kha, ei thlatuhai Pathienin a keitho nâwk tah a nih.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

THILTHAWHAI 9:17

Chun, Anania chu a va fe a, ina chun a lût a; a chungah kut ân nghat a, “Unau Saula, i mit varna ding le Thlarau Inthienga sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:1

Paula, Isu Krista suok, tirko ni dinga ko, Pathien Chanchin Ṭha hril dinga ṭhethlâka um lekha-thawn:

1 KORINTH 11:23

Ka thu hril sâwng cheu kha Lalpa kuoma inthawka ka dawng a na; khânga inmantira a um zân khan, Lalpa Isûn, bei a lâk a,

1 KORINTH 15:3

A hmasatakin, ka ihmu ve bawk chu ka hril sâwng cheu kha; khânga Krista chu Pathien Lekha thu hril ang peia ei suolhai leia a thi a,

1 KORINTH 15:8

chun, a tâwptaka chun, a hun nawa pieng ang keima kuoma khawm ân lâr a.

1 KORINTH 9:1

Zalên ka ni naw am a nih? Tirko ka ni naw am a nih? Ei Lalpa Isu chu ka hmu ta naw am a nih? nangnirawi chu Lalpaa ka sinthaw in ni naw am a nih?

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 1:12

Mihriem kuoma inthawka hmu ka ni bawk naw a, mi mîn chûktir ka ni bawk nawh. Isu Krista inlârna leia hmu ka ni lem si a.

GALATI 1:15

Chun, ka nu phîngsûnga inthawka a mi suktumtu le, a lunginsietna leia a mi kotu Pathien chun lungnitaka,

2 TIMOTHE 1:1

Paula, Krista Isua hringna um tiemna thu chu hril kawnga Pathien dit zâwnga Krista Isu tirko chun:

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.