THILTHAWHAI 21:5 - Pathien Lekhabu Inthieng (BSI)

⁵ Nisienlakhawm, chuong ni zoa chun kan suok a, kan fe ta a, unauhai chun an rêngin, an nuhmei an nauhai leh khaw kâwl chenin an mi vân thla a; chun, tuipui panga chun kan dingṭhaṭhuon a, kan ṭawngṭai a.

THILTHAWHAI 21:5 ပူးပေါင်းရင်းမြစ်များ

1 LALHAI 8:54

Chun, Solomonin Lalpa kuoma a ṭawngṭaina le hnina po po chu a hril zo chun, Lalpa maichâm hmaa a dingṭhaṭhuon a, vân tieng bana kut phara a um chu a tho a.

2 CHANCHIN SUINA 20:13

Chuongchun, Juda mihai po po chu Lalpa hmaa chun an nauhai le an nuhmeihai le an nautêhai rawi leh chun an ngîr a.

NEHEMIA 12:43

Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

INPÂKNA HLABU 95:6

Aw hung unla, chibai bûkin kûn ei tiu, Lalpa a mi Siemtu hmaah dingṭhaṭhuon ei tiu.

MATTHAI 14:21

A fatuhai chu nuhmei le naupang tiem lovin patling ruok khawm sâng nga rau an nih.

MARKA 1:40

Chun, a kuomah phâr a hung a, “I nuom chun i mi sukthieng thei,” a ta, a hmaah a dingṭhaṭhuon a, a ngên rak el a.

LUKA 22:41

Chun, lung dêng phâk chenah a tumin a va fe a; chun, a dingṭhaṭhuon a, a ṭawngṭai a,

THILTHAWHAI 15:3

Chuongchun, kohran chun an hang inthla a, anni chun Jentailhai nghat kîr nâwkzie thu chu hril peiin Phoiniki ram le Samari ram an fang suok ta a; chuongchun, unauhai po po an suklâwm bêk bêk a.

THILTHAWHAI 17:10

Chun, unauhai chun a zân a zânin Paula le Sila chu Beroia khuoah an infetir nghâl ta a; chu hmun an va tlung chun, Judahai inkhâwmna inah an lût a.

THILTHAWHAI 20:36

Chun, chuong ang thu chu a hril zo chun, a dingṭhaṭhuon a, an rêngin a ṭawngṭaipui a.

THILTHAWHAI 20:38

A hmêl an hmu nâwk naw ding thu a hril chu an lungngaina tak a nih. Chun, lawng chen chun ama an inthla ta a.

THILTHAWHAI 9:40

Nisienlakhawm, Peter chun an rêngin ân suoktir vawng a, a dingṭhaṭhuon a, a ṭawngṭai ta a; chun, ruong tieng chu a ngha a, “Tabitha, tho rawh,” a ta. Chuongchun, a mit a hung meng a, Peter chu a hmu phingleh a ṭhung ta a.

JOSUA 24:15

Chun, Lalpa rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu Lalpa rawng a nih kan bâwl ding chu,” a ta.

JOSUA 8:35

Mosie thupêk ang po po chu Israel pungkhâwm po pohai le nuhmeihai le naupang chite tehai le anni laia hnam dang chêng vehai hrieta chun Josua chun tiem ṭhel hrim hrim a nei nawh.