THILTHAWHAI 20:7 - Pathien Lekhabu Inthieng (BSI)

⁷ Chun, ni saria ni hmasataka chun, bei khawi dinga kan um khâwm laiin, Paula chu a zînga fe el ding ani leiin ṭhahnemngaitakin thu a hril a; zân ril chenin thu a hril pei a.

THILTHAWHAI 20:7 ပူးပေါင်းရင်းမြစ်များ

NEHEMIA 8:3

Chutaka mi chu Tui kawtkhâr hmazâwn hmun lienna laia chun nutling, patling le a hrethiem thei chinhai lai zîngtienga inthawkin sûn chenin a tiem a; mi po po chun Dân bu thua chun an na an sit ṭhuop el a.

NEHEMIA 9:3

Chun, mâni hmun sengah an ngîr a, chu ni hmun lia ṭhea hmun khat sûng chun Lalpa an Pathien dân bu an tiem a; chun, hmun lia ṭhea hmun khat dang sung chun thupha an chawi a, Lalpa an Pathien chu an biek a.

MARKA 16:9

[Chun, ni saria ni hmasatak, zîngkâra a thonâwk chun, Mari Magdalin, a sûnga inthawka khawhri pasari a hnawt suokpêk kuoma khan ân lâr hmasatak a.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

LUKA 24:35

Chun, anni khawmin lampuia thil hung tlung le, bei a khawia, a hmêl an hung hrietziehai chu an hril ve a.

JOHAN 20:1

Chun, ni saria ni hmasatakah, zîngkâr, khuo a lân thim laiin, Mari Magdalin chu thlâna chun a va fe a, lung chu thlâna inthawka lâk sawnin a hmu a.

JOHAN 20:19

Chun, chu ni, ni saria ni hmasatakah, khuo a hung inhnu chun, Judahai ṭi leia inchûktirhai umna kawtkhârhai chu khâr a ni hnungin, Isu anni lai a hung ngîr a, an kuomah, “In chungah thlamuongna um raw se,” a ta.

JOHAN 20:26

Chun, ni riet hnungah, a inchûktirhai chu in sûngah an um nâwk a, Thoma khawm an kuomah a um ve a. Chun, Isu a hung a, kawthai chu khâr a ni si a, anni lai a hung ngîr ta a, an kuomah, “In chungah thlamuongna um raw se,” a ta.

THILTHAWHAI 16:10

Chun, chu mang chu a mang zo phingleh, Makedonia rama chun fe kan tum ta a, an kuoma Chanchin Ṭha hril dingin Pathienin a mi ko ti kan hriet a.

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.

THILTHAWHAI 2:46

Ni tin lungril hmunkhatin Pathien biekina chun ṭhahnemngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

THILTHAWHAI 20:11

Chun, Paula a hang lâwn nâwk a, bei chu a khawi a, bu a fâk a, sâwttak, khawvar rakin an kuomah thukhawchâng a hril a, chu hnunga chun a fe ta a.

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

THILTHAWHAI 20:5

Chuonghai chun kan hma an ṭhuoi a, Troasa chun an mi lo nghâk zing a.

THILTHAWHAI 20:9

Chun, tlangvâl pakhat, Eutuk an ti chu tukvera chun a ṭhung a, Paula thuhril chu a sâwt ta êm leiin inhnik takin a lo inlusu a. A îmu chun a hne ta êm leiin in sâwng thumnaa inthawk chun a tla a, a thi sain an zu lâk a.

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

1 KORINTH 10:16

Malsâwmna no mal ei isâwm hlak hi, Krista thisen inṭawmpuina a ni naw am a nih? Bei ei khawi hlak hi Krista taksa inṭawmpuina a ni naw am a nih?

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.

THUPUONGSUO 1:10

Lalpa nia chun Thlarauin ka lo um a; chun, ka hnung tiengah, tawtawrâwt ri ang, rawl inringtakin,