THILTHAWHAI 2:9 - Pathien Lekhabu Inthieng (BSI)

⁹ Ṭhenkhat Parthai hnam dâm, Medai hnam dâm, Elamatai hnam dâm, ei ni si a; Mesopotamia rama um dâm, Judai rama um dâm, Kappadoki rama um dâm, Ponto rama um dâm, Asia rama um dâm,

THILTHAWHAI 2:9 ပူးပေါင်းရင်းမြစ်များ

INṬANNA 10:22

Sem naupasalhai chu: Elam, Assur, Arpaksad, Lud le Aram an nih.

INṬANNA 14:1

Chun, Sinar lal Amraphel, Ellasar lal Ariok, Ellam lal Kedorlaomer le, Goiim lal Tidal dam lai chun hieng hi a na,

INṬANNA 24:10

Chun, siehlaw chun a pu sanghâwngsei laia mi sanghâwngsei sâwm a ṭhuoi a, a pu thil ṭha tinrêng chawiin a suok ta a: chuongchun, a tho a, Mesopotamia rama Nahor-hai khuoa chun a fe ta a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

1 CHANCHIN SUINA 19:6

Chun, Ammon mihai chu David ta dingin theidaumin an insiem tah ti an hriet phing chun Hanun le Ammon mihai chun, Zobaa inthawk dâm, Aram-maakaa inthawk dâm, Mesopotamiaa inthawk dâma sakawr puhai le sakawr tawlailîrhai hawna dingin tangkaruo talent sâng khat an thawn ta a.

EZRA 6:2

Chun, Media biela lal inah Akmethaa chun lekha zuol hmu suok a ni ta a; chutaka chun hriet zingna dingin hieng anga ziek hi a na,

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

DANIEL 5:28

PERES chu ‘I ram chu ṭhe a ni ta a, Media le Persia mihai kuoma chun pêk a ni tah,’ tina a nih,” tiin.

DANIEL 8:2

Chun, thil hmulâwka chun ka hmu a; Hieng ang hi a lo ni a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmu a; Ulai vadung kâwlah ka lo um a.

DANIEL 8:20

Berâmchal ki pahni nei i hmu kha Media le Persia lalhai an na.

THILTHAWHAI 16:6

Chun, Thlarau Inthiengin Asia rama thu hril a khap leiin Phrugia le Galati ram chu an fang suok a;

THILTHAWHAI 18:2

Chun, a hming Akuila, Juda pakhat a hmu a, ama chu Ponto rama pieng a nih; Klaudiin Juda po po Roma inthawka suok thu a pêk leiin a nuhmei Priskilla leh Itali rama inthawka hung hlim an nih.

THILTHAWHAI 19:10

Chuong ang ruok chun kum hni lai a thaw a; chuongchun, Asia rama um po po, Judahai le Grikhai khawmin, Lalpa thu chu an hriet ta a.

THILTHAWHAI 19:27

Chuongchun, ei sinthaw lân a tih ti chau khawm hi ni lovin, pathiennu ropuitak Diana biekin khawm hi hung ngaitlâwm an ta, Asia rama mi po po le khawvêla miin an biek hlak hi, a ropui vei leh, tlâwm a tih ti ṭi a um bawk a nih,” a ta.

THILTHAWHAI 19:31

Chun, Asia rama hotutakhai laia ṭhenkhat tuhai amanih Paula ruolhai an na, a kuomah mi an tir a, ennuom siemna ina chun lût ṭâl lo dingin an ngên a.

THILTHAWHAI 2:8

Iengtiziea ei rênga ei piengpui ṭawng anga ei hriet seng am a na?

THILTHAWHAI 20:16

Chun, Paulain Asia rama um sâwt a nuom naw leiin, Ephesi chu lawnga khêl a tum sa hrim a na, a thei chun Jerusalemah Pentikost ni nang a tum a, a fe inhmaw a nih,

THILTHAWHAI 20:18

Chun, a kuoma an hung tlung chun, ama chun an kuomah, “Asia ram ka sir hlima inthawk tah, in kuoma ka um sûng po khan ka um dân kha in hriet a.

THILTHAWHAI 20:4

Chun, Purrha naupa Sopater Beroia khuoa mi hai, Thessalonikaa mi Aristarka le Sekunda hai, Derbea mi Gaia hai, Timothe hai, Asia ram mi Tukik le Trophim hai, ama leh Asia rama chun an va fe ve a.

THILTHAWHAI 21:27

Chun, ni sari chu a tling vângin Asia rama Judahai chun Paula chu Pathien biekinah an hmu a, mipui po po an infui a, ama chu an man a,

THILTHAWHAI 24:18

Chuong lai chun, mipui khawm, sukbuoitu khawm um lovin, Pathien biekinah insukthiengin an mi hmu a.

THILTHAWHAI 27:2

Augusta pâwla mi sipai za hotu Julia an inkawltir a. Adramuttium khaw lawngi Asia ram tuipui panga khaw umhai sir dingin kan chuong a, tuipuiah kan fe ta a; Makedonia rama mi Aristarka, Thessalonikaa mi kan kuomah a um a.

THILTHAWHAI 6:9

Nisienlakhawm, Sal suokhai, Kurinia mi dâm, Alexandra khuoa mi dâm, inkhâwmna an tia mi ṭhenkhat leh, Kiliki rama mi dâm, Asia ram mi inkhâwmna ina mi ṭhenkhathai an hung inthawk a, Stephan chu an hung sêl a.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:5

An ina kohran inkhâwmhai chu chibai mi bûkpêk bawk ro. Ka dittak, Epainet, Asia rama Krista awi hmasatak kha chibai mi bûkpêk ro.

1 KORINTH 16:19

Asia ram kohranhai hin chibai an bûk cheu. Akuila le Priskilla, an ina kohran inkhawmhai le hin Lalpaa chun chibai tamtakin an bûk cheu.

2 KORINTH 1:8

Unauhai, Asia rama kan chunga rinumna tlung thu kha in hriet naw kan nuom naw a, khânga nasataka tuor zo ruol lova, dam hrim khawm beisei lo khawp hiela deldea kan um kha.

DÂN PAHNINA 23:4

Aigupta rama inthawka in hung suok laia bei le tuia an lo tuok naw cheu leiin le, ṭawngsie inphur ding cheua Mesopotamia rama Pethor khuoa Beor naupa Balaam an ruoi lei khan.

2 TIMOTHE 1:15

Asia rama um po pohaiin an mi nghatsan ti ka hriet a, anni lai chun, Phugel le Hermogen an ṭhang a nih.

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:4

Johan chun: Asia rama kohran pasarihai kuoma chun: Um zing le um ta le hung um ding kuoma inthawk dâm, a lalṭhungpha hmaa thlarau pasari umhai kuoma inthawk dâm,

RORELTUHAI 3:8

Chuongchun, Lalpa chu Israelhai chunga chun a lunginsen ta a, Mesopotamia ram lal Kushan-risathaim thu hnuoia chun kum riet an um a.