THILTHAWHAI 2:5 - Pathien Lekhabu Inthieng (BSI)

⁵ Chun, vânkhuphnuoia hnam tin laia mi Pathien ngaisak Judahai Jerusalemah an châm a.

THILTHAWHAI 2:5 ပူးပေါင်းရင်းမြစ်များ

FESUOKNA 23:16

Loa i chîng i sininrimna ra hmasahai sîk hunah Busîk ruoi le, kum tâwpah loa inthawka i sinthaw rahai po po i lâk khâwm vawng pha Pâwltlâk ruoi i nei bawk ding a nih.

ISAI 66:18

An thilthawhai le an ngaituohai chu ka hriet si a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

ZEKARIA 8:18

Chun, sipaihai Lalpa thu chu ka kuomah a hung tlung a,

MATTHAI 24:14

“Chun, hi Ram Chanchin Ṭha hi hnam po poin an hrietna dingin khawvêl po poah hrilin um a tih; chu zoa chun tâwpna chu la tlung a tih.

LUKA 17:24

kâwlkawdawng khing tienga kâwl ân lep a, kâwlkawdawng khing tieng chenah a var hlak ang hin, Mihriem Naupa hi a hung ni chun a um ding a ni si a.

LUKA 2:25

Chun, ngai ta, Jerusalema chun mi pakhat a hming Simeon a um a; ama chu mi feltak le Pathien ngaisaktak a na; Israel thlamuongtu ding chu a nghâk zing a, a chungah Thlarau Inthieng a um a.

LUKA 24:18

Chun, a hming Kleopa lem chun a kuomah, “Jerusalemah makhât chauin amanih i um? Tulaia thil umzie i hriet naw a,” a ta, a dawn a.

JOHAN 12:20

Chun, ruoiṭhenaa Pathien chibai bûk dinga hang fehai lai Grik tuhai amanih an um a.

THILTHAWHAI 10:2

Pathien ngaisak mi a na, a sûnghai po po leh Pathien an ṭi hlak a; mihai kuomah thil tamtak a pêk hlak a, Pathien kuoma khawm an ṭawngṭai rawp a.

THILTHAWHAI 10:7

Chun, vântirko a betu chu a fe phingleh, Korneli chun, a siehlawhai laia mi pahni le a rawngbâwl rawphai laia Pathien ngaisak sipai pakhat a ko a;

THILTHAWHAI 13:50

Nisienlakhawm, Judahai chun nuhmei inzaum Pathien ngaisakhai le khuoa upahai chu an infui a, Paula le Barnaba chu an insuknawmnatir a, an rama inthawkin an hnawt suok ta a.

THILTHAWHAI 2:1

Chun, Pentikost ni a hung tlungin, an rêngin hmun khatah an um khâwm vawng a.

THILTHAWHAI 22:12

“Chun, mi pakhat, Anania, Dân kawnga Pathien ngaisak le chutaka Juda umhai po po kuoma hming ṭha chu,

THILTHAWHAI 8:2

Chun, Pathien ngaisak tuhaiin amanih Stephan chu an phûm a, nasatakin an ṭap a.

THILTHAWHAI 8:27

Chuongchun, a tho a, a fe ta a. Chun, ngai ta, Ethiopia rama mi pakhat, Ethiopia lalnu Kandaki hnuoia mitillâk inlaltak, a ro po po enkawltu, Jerusalemah Pathien be dingin a hang fe a.

DÂN PAHNINA 2:25

Vawisûn hin vânkhuphnuoia hnam tin chunga chun nangma ṭina le ṭitumna in um ṭantir ka ta, i chanchin lo hrieng an ta, inthin an ta, nangma leiin lungngaitakin um an tih,’ tiin.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.