THILTHAWHAI 2:39 - Pathien Lekhabu Inthieng (BSI)

³⁹ A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

THILTHAWHAI 2:39 ပူးပေါင်းရင်းမြစ်များ

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” Lalpain a tih.

ISAI 65:23

A thlâwnin sin inrim naw ni hai a, vângduoina el dingin nau nei bawk naw ni hai a, Lalpa malsâwm mi thlahai an ni si a, an nauhai chu an kuomah um zing an tih.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

THILTHAWHAI 15:3

Chuongchun, kohran chun an hang inthla a, anni chun Jentailhai nghat kîr nâwkzie thu chu hril peiin Phoiniki ram le Samari ram an fang suok ta a; chuongchun, unauhai po po an suklâwm bêk bêk a.

THILTHAWHAI 15:8

Chun, lungril hretu Pathienin eini a mi pêk ang bawk khan, Thlarau Inthieng an kuoma pe vein, an chungah a lâwm ti ân hriettir a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:29

Pathienin a thilthlâwnpêkhaia le a konaa chun a lungril a lêt ngai si naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:30

Chun, a ruot lâwkhai chu a ko bawk a; a kohai chu thiem ân changtir bawk a; chun, thiem ân changtir hai chu a châwimâwi bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:24

Chu lunginsietna bêlhai chu Judahai lai chau ni lovin, Jentailhai laia inthawka kohai khawm ei nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4

Israel mi an ni si a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

1 KORINTH 7:14

Pasal awilo mi chu a nuhmei zârah sukthiengin a um a, nuhmei awilo mi khawm chu a pasal zâra sukthiengin a um bawk a nih; chuong ang chu ni naw sien chu in nauhai chu inthieng naw nihai; nisienlakhawm, an inthieng zing a nih.

EPHESI 1:18

Chuongchun, in lungril mithai sukvara umin hieng hi hung hre thei in tih:

EPHESI 2:12

khâng lai khan Krista boin, Israel khuoletui leh intuolkhat lovin, khawvêla hin beiseina hrim nei lo le, Pathien boa umin, tiemna thuthlunghaia mikhuola in um kha.

EPHESI 4:4

A ko san cheu beiseina hmunkhata ko in ni ang bawk khan, taksa pakhat le Thlarau pakhat chau a um a.

DÂN PAHNINA 29:15

vawisûna Lalpa ei Pathien hmaa ngîrtuhai le tuta ei kuoma um ve nawhai kuoma khawm a nih;

2 THESSALONIKA 1:11

Chuong anga chawimawi le makti a ni theina dingin, ei Pathienin a kona cheua chun ko tlâk nia a ruot theina ding cheu le, ṭhat nuomna tinrênga le ringna sinthaw tinrênga thilthawtheinaa ân hlawtlingtir theina ding cheuin kan ṭawngṭaipêk rawp cheu a ni hi.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

2 PETER 1:10

Chuleiin, unauhai, a kona le a thlangna cheu chu sukdet dingin taimâk insuo nâwkzuol ro; chuong chu in thaw chun ieng tik khawm tlu naw ti niu;

2 PETER 1:3

Ama ropuina le ṭhatna zâra a mi kotu, a chanchin hriet leiin a Pathien thilthawtheinain hringna le Pathien ngaisakna kawnga chun thil po po a mi pêk si a.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 19:9

Chun, ‘Berâmte nuhmei neina ruoiṭhea fielhai chu an hamṭha ie,’ tiin ziek rawh,” a mi ti a. Chun, ka kuomah, “Hieng thu hi Pathien thu tak a nih,” a ti bawk a.