THILTHAWHAI 2:25 - Pathien Lekhabu Inthieng (BSI)

²⁵ Chun, David chun ama thu chu a hril a, ‘Ka hmaah kumkhuoin Lalpa chu ka hmu hlak, Kân hnîng nawna dingin ka changtieng a um a nih;

THILTHAWHAI 2:25 ပူးပေါင်းရင်းမြစ်များ

INPÂKNA HLABU 109:31

Ama chu pase changtieng chun ngîr a ta, A hringna rorêlpêktuhaia inthawka sandam dingin.

INPÂKNA HLABU 110:5

Lalpa i changtienga um chun, A lunginsen nia chun lalhai sât bawng rem rum a tih.

INPÂKNA HLABU 21:7

Lal chun Lalpa chu a ring si a, Achunghnungtak ngilneina leiin inhnîng naw ni.

INPÂKNA HLABU 30:6

Kei chun chu ka hlawtling lai chun, “Iengtika khawm inhnîng naw ning,” ka ti a.

INPÂKNA HLABU 62:2

Ama chau chu ka lungpui le a mi sandamtu a nih; Ka kulbîng insâng a na, nasatak chun inhnîng naw ningah.

INPÂKNA HLABU 62:6

Ama chau chu ka lungpui le ka sandamna a nih; Ka kulbîng insâng a na, inhnîng naw ningah.

INPÂKNA HLABU 73:23

Nisienlakhawm, i kuomah ka um rawp a, Ka kut changtieng hi i lo chel hlak.

ISAI 41:13

Kei Lalpa in Pathien hin, “Ṭi naw ro, ka ṭhangpui ding cheu a nih,” tiin, in kut changtieng chu ka chel ding a ni si a.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

JOHAN 16:32

Ngai ro, a hun a tlung ding a ni tah, anih, a tlung zing tah, chu pha chun, mâni in sengah indar vawng in tih, keia khât chauin mi thlâthlam in tih; nisienlakhawm, Pa ka kuoma a um leiin makhât chauin ka um si nawh.

THILTHAWHAI 2:26

Chuleiin, ka lungril a hlim a, Ka lei khawm a lâwm a; Chuleiin, ka taksa khawm beiseitakin um bawk a tih;