THILTHAWHAI 2:14 - Pathien Lekhabu Inthieng (BSI)

¹⁴ Nisienlakhawm, Peter chu sâwm le pakhathai leh an ngîr a, ama chun râwl inringtakin, an kuomah a hril a, “Nangni Judai rama mihai, nangni Jerusalema um po pohai, hieng hi hre unla, ka thu khawm lo ngai ro.

THILTHAWHAI 2:14 ပူးပေါင်းရင်းမြစ်များ

THUVARHAI 8:32

Chuleiin, tuhin, ka naupasalhai mi lo ngai unla, Ka lampui hrawtuhai chu mi hamṭha an ni si a.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 51:1

Felna hnawttuhai, Lalpa zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni si a, mi tin enna dingin ka rorêlna chu inchâwltir ka tih.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 52:8

Ngai rawh, i râl vêngtuhai râwl chu! Râwl an insuo a, hlimtakin hla an sak tâwl chu, Lalpa chu Ziona a hung kîr nâwk pha chun inhmatuokin an hmu ding a ni si a.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

HOSEA 8:1

Tawtawrâwt chu i hmûrah inbûk rawh; Lalpa sûnghai chungah mupui angin a hung ie; Ka thuthlung an bawsiet a, Ka dân an helsan leiin.

MATTHAI 2:1

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

THILTHAWHAI 1:26

Chun, ṭhum an vâwr a, an ṭhum vâwr chu Matthia chungah a tla a. Chuongchun, ama chu tirko sâwm le pakhathai lai chun tiemsa a ni ta a.

THILTHAWHAI 13:16

Chun, Paula a ngîr a, kutin a zâp a, a hril a: “Israel mihai le Pathien ṭituhai, ngai ro.

THILTHAWHAI 2:22

“Nangni Israel mihai hieng thu hi lo ngai ro; Nazareth Isu chu, Pathienin nangni lai thilthaw mak dâm, thilmak dâm, inchikna dâm inthawtirin ân hriet chiengtir cheu kha,

THILTHAWHAI 21:28

an khêk a, “Israel mihai, mi ṭhangpui ro, hi mipa hi ram tinah mi po po kuomah, Juda mi dâm, Dân dâm, hi in dâm hi hrilsetu kha a nih; chu naw khawm chu Pathien biekina hin Grik mihai khawm a lûtpui a, hi in inthieng hi a suktirdakum tah a nih,” an ta.

THILTHAWHAI 5:35

Chun, rorêltuhai kuoma chun, “Nangni Israel mihai, hihai chunga in thil thaw tum hi fîmkhur ro.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

DÂN PAHNINA 27:9

Chun, Mosie le thiempu Levi mihai chun Israel mi po pohai chu an biek a, “Aw Israel mihai, nguntakin lo ngai ta u, vawisûn hin Lalpa in Pathien mihai in hung ni ta a.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?