THILTHAWHAI 19:9 - Pathien Lekhabu Inthieng (BSI)

⁹ Nisienlakhawm, a ṭhen chu an kawmaw a, an awi nuom naw a, mipui hmaah Lam thu chu an hrilsiet phingleh, ama chun anni a fe san a, inchûktirhai chu a kei hran a, ni tin Turanna inchûktirnaah a sêl hlak a.

THILTHAWHAI 19:9 ပူးပေါင်းရင်းမြစ်များ

2 LALHAI 17:14

Chuong sa khawm chun an pawm nuom naw a, an pi le pu, Lalpa an Pathien ring nuom nawhaiin an lûlul an insuo angin an lûlul an insuo ve a.

2 CHANCHIN SUINA 30:8

In thlatuhai an ni angin mi kâwmâwhai ni naw unla; nangni chu Lalpa kuomah inpe lem ro; kumkhuoa dinga sukthieng tah, a hmun inthienga chun lût unla, nangnia inthawka a lungsenna ṭiumtak chu ân kieng theina dingin Lalpa in Pathien rawng chu bâwl ro.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thaw a, i thupêkhai an pawm naw a, i rorêlna kalin thil an suksuol a; (miin an zâwma an hringpui ding chu); chun, an tukhnungkhur an innghat a, an insukkâwmaw a, an ngai nuom naw a.

INPÂKNA HLABU 95:8

Meribaa an thaw ang khan in lungril sukngar naw ro, Thlalêra Massa ni ang khan;

THUVARHAI 8:34

Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

JEREMIA 19:15

“Sipaihai Lalpa Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 16:4

Ruolthar suol tak le uire hmanghai chun inchikna an zawng a; nisienlakhawm, Jona inchikna chau naw chu an kuomah inchikna hrim pêk ni naw ni,” a ta, a dawn a. Chun, anni a fesan a, a fe ta dai a.

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hembâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si naw a.

JOHAN 12:40

“Amain an mit a sukdel a, An lungril a sukngar a; Chuong naw chun, an mitin hmu rawi an ta, An lungrilin hrethiem rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

THILTHAWHAI 11:26

Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

THILTHAWHAI 14:4

Chun, khuoa mipuihai chu an inkhing ta a; aṭhenin Judahai chu an ṭan a; aṭhenin tirkohai chu.

THILTHAWHAI 17:4

Chuongchun, anni laia ṭhenkhat chu zâwrthlûkin an um ta a, Paula le Sila chu an pâwl ta a; Pathien ngaisak Grik mipui nasatak le nuhmei ṭhuoitu tamtak leh.

THILTHAWHAI 19:23

Chun, chuong lai vêl chun Lam thu lei chun buoina namên lo a hung suok ta a.

THILTHAWHAI 19:30

Chun, Paulain mipui lai lût a tum chun, inchûktirhai chun an phal naw a.

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

THILTHAWHAI 22:4

Hi Lama mihai hi sukhlum rau khawpin ka suknawmna hlak a, a nuhmei a pasalin ka khuop a, intângna inah kân khumtir hlak a.

THILTHAWHAI 24:21

anni laia ngîrin, hi thu baukhat, ‘Mithi thonâwkna thuah vawisûn hin in hmaah suosalin ka um a ni hi,’ ka ti lei kha a ni nghâl naw chun,” a ta, a dawn a.

THILTHAWHAI 28:22

Nisienlakhawm, hi pâwl hi ram tinah hrilsiet a ni si a, nangin iengtin am i ngai a hriet kan nuom,” an ta.

THILTHAWHAI 7:51

“Mi kâwmawhai, lungril le naa sertanlohai, in thlatuhaiin an thaw hlak ang khan, Thlarau Inthieng chu in dodâl kumkhuo a nih.

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hni a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:7

Iengtin am ni tâng a ti leh? Israel mihai chun an zawng chu an hmu naw a; Thlanghai ruok chun an hmu a, a danghai po po chu an ngawng zo ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:18

Chuongchun, Pathienin a nuom po a lunginsiet a, a nuom po a suklulul hlak a nih.

1 KORINTH 16:9

kawtkhâr lientak le ṭangkai tak chu ka ta dingin ân hawng si a, dotuhai tamtak an um bawk.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 TIMOTHE 1:15

Asia rama um po pohaiin an mi nghatsan ti ka hriet a, anni lai chun, Phugel le Hermogen an ṭhang a nih.

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.

2 PETER 2:12

Nisienlakhawm, hieng thilhring, ngaituona nei naw, mana sukbohmang dinga sa chaua pienghai ang hin, thil an hriet nawhai chu hrilsein; anni sietnain se ngei an tih.

2 PETER 2:2

Chun, mi tamtakin an hurna tieng thilhai chu chîng vêng an ta, anni leiin lampui indik tak chu hrilsiet ning a tih.

JUDA 1:10

Chuong mihai ruok chun thil an hriet naw taphawt an hrilsiet hlak a, chun, ngaituona neinaw sahai anga piengpui hrietna an neihai chun an insuksiet hlak.