THILTHAWHAI 18:6 - Pathien Lekhabu Inthieng (BSI)

⁶ Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

THILTHAWHAI 18:6 ပူးပေါင်းရင်းမြစ်များ

2 SAMUEL 1:16

Chun, David chun a kuomah, “Lalpa hrieknâl chu ka that a nih,’ tia nangma bâu ngeia in puong leiin i thisen chu nangma lu chung ngeiah um raw se,” a ta.

1 LALHAI 2:33

Chuongchun, an thisen chu Joab lu chung le a thlahai lu chungah kumkhuoin lêt a ta, David chunga dâm, a thlahai chunga dâm, a sûnghai chunga dâm, a lalṭhungpha chunga dâm ruok chun Lalpa kuoma inthawka lungmuongna kumkhuoin um zing lem a tih,” a ta.

NEHEMIA 5:13

Ka dierkei chu ka thin a, “Hi thutiem anga thaw naw taphawt chu Pathien chun a ina inthawk le a sinthawa inthawkin hieng ang hin thinthla raw se; hieng anga thin thlâkin um sienla, sukruokin um raw se,” ka ti a. Chun, a pungkhâwmhai po po chun, “Amen,” an ti a, Lalpa an inpâk a. Chun, mipuihai chun chu thutiem ang chun an thaw ta a.

EZEKIEL 18:13

a pung um dinga lo pe suok ta a, a pung khawm lo la ta hlak chu, ama chu a hring ding am a nih? Ama chu hring naw ni a, hieng tirdakumnahai po po thawtu hi chu thi ngei ngei a ta, a thisen chu ama chunga chun a um ding a nih.

EZEKIEL 33:4

tukhawma tawtawrâwt ri chu hrea, vaulâwkna pawisa lo chu, kâwlhnâm chu a hung tlung a, ama chu lâk hmang a ni chun, a thisen chu ama lu chunga ngei chun um a tih.

EZEKIEL 33:6

Nisienlakhawm, vêngtu chun kâwlhnâm hung tlung chu a hmu a, tawtawrâwt a mût naw a, mipuihai chu vaulâwk an ni naw a, kâwlhnâm chu a hung tlung a, anni laia mi tukhawm chu a lâk hmang chun; a suolnaa chu lâk hmang a na; amiruokchu, a thisen maw chu vêngtu kuta chun phût ka tih,’ tiin.

LEVI DÂN 20:9

A pa amanih, a nu amanih ṭawngsie inphurtu taphawt chu sukhlum ngei ding a nih; a pa amanih, a nu amanih ṭawngsie inphur a na, a chungah a thisen maw chu a um ding a nih.

MATTHAI 10:14

Chun, tukhawm lâwm lo cheu a, in thu khawm ngai naw taphawt chu, chu ina inthawka manih, chu khuoa inthawka manih in suok pha chun in kephaa pilvut chu thin thla ro;

MATTHAI 21:41

Anni chun a kuomah, “Chuong mi suolhai chu rimsitakin sukbohmang a ta, grêp huon chu lo enkawltu dang, a lo pha po leh a rahai chu a kuomah pe pei dinghai kuomah thlohlaw dingin pêng a tih,” an ta.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

MATTHAI 22:10

Chuongchun, chu suokhai chu an suok a, lampuihaia chun an va fe a, an hmu taphawt, mi suol le mi ṭhahai khawm an ṭhuoi khâwm ta vawng a; chuongchun, inneina ruoi pindan chu mi fiel haiin an lo sip ta a.

MATTHAI 27:25

Chun, vântlâng po po chun, “A thisen chu keini chunga le, kan nauhai chungah um raw se,” tiin an dawn a.

MATTHAI 8:11

Ka hril cheu hi, sak le thlanga inthawkin mi tamtak hung an ta, vân rama chun Abraham hai, Isak hai, Jakob hai kuomah ṭhung an ta;

LUKA 22:65

Thu dang tamtak khawmin an hrilsietin an hal a.

LUKA 9:5

Chun, a lâwm naw taphawt cheu chu, chu khuoa inthawka in suok pha chun an thiemnawzie inhriettirna dingin in kephaa pilvut chu thin thla ro,” a ta.

THILTHAWHAI 13:51

Chun, anni chun an chungah an kephaa pilvut an thinthlâk a, Ikoniom an tlung ta a.

THILTHAWHAI 26:11

Chun, inkhâwmna in tinah ka hrem rawp hlak a, Pathien inhrilsiettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 28:28

“Chuongchun, Pathien sandamna thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:29

Pathien chu Judahai Pathien chau am a nih? Jentailhai Pathien khaw m a ni ve naw am a nih? Ni ve e.

1 TIMOTHE 5:22

Tû chunga khawm kut innghat thut naw la, mi dang suolnahaia chun ṭhang bawk naw; insukthieng zing rawh.

2 TIMOTHE 2:25

ama khingtuhai zaidamtakin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.

1 PETER 4:4

Chuonga chun anni inhawitir taluo anga in um ve ta naw hi mak an ta, an hrilsiet hlak cheu a nih.