THILTHAWHAI 17:29 - Pathien Lekhabu Inthieng (BSI)

²⁹ Chuongchun, Pathien thlahai ei ni hnung chu, Pathien pangti chu, rângkachak dâm, tangka dâm, lung dâm, mihriem themthiemna le ngairuotnaa suthai ang hi ni dingin ei ngai ding a ni nawh.

THILTHAWHAI 17:29 ပူးပေါင်းရင်းမြစ်များ

ISAI 40:25

Tu lêm mi hrilkhiin, tu tluk ang chau âm in mi ruot ding a na? Mi Inthieng chun a tih.

FESUOKNA 20:4

Milim siem fâwm, chungtieng vâna mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i ta dingin i siem ding a ni nawh.

INPÂKNA HLABU 106:20

Chuong ang chun an ropuina chu, Bâwngchal hlobet fa mi ang chauah an inchangtir ta a.

FESUOKNA 32:4

An kuta inthawk chun a lâk a, kerna hriemhrei hmangin a sungna ding a siem a, bâwngte limah a sung ta a. Anni chun, “Aw Israel, hi hi Aigupta rama inthawka hung ṭhuoi suoktu che i pathien chu a ni hi,” an ti a.

2 LALHAI 19:18

an pathienhai chu meiah an pei bawk hlak a; chuonghai chu pathien an ni naw hrim a, mihriem kuta siem, thing le lung an ni lem a nih; chu lei chun an sukbohmang a nih.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.