THILTHAWHAI 17:26 - Pathien Lekhabu Inthieng (BSI)

²⁶ Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

THILTHAWHAI 17:26 ပူးပေါင်းရင်းမြစ်များ

INṬANNA 3:20

Chun, mihriem chun a nuhmei chu mi hring po po nu a ni leiin a hmingah Evi ân bûk a.

INṬANNA 9:19

Chuonghai pathum chu Noa naupasalhai an na: chuonghaia inthawka suokhai chun hnuoi po po hi an dâp zo tah a nih.

JOB LEKHABU (THE BOOK OF JOB) 12:23

Hnamhai chu a hung sukpung a, anni a sukbohmang ta a; Hnamhai chu a hung suklien a, anni a ṭhuoi hmang hlak a.

JOB LEKHABU (THE BOOK OF JOB) 14:5

A nihai chu biruot a na, a thla ni zâthai khawm chu nangma kuomah a um a, Nang chun a fe pei thei nawna dingin a ramrihai chu i khang tâk hnung chu.

INPÂKNA HLABU 31:15

Ka hunhai chu i kutah a um a, A mi dotuhai le a mi suknawmnatuhaia inthawk hin mi sanhim rawh.

INPÂKNA HLABU 74:17

Nangin leihnuoi ramrihai po po chu i khang vawng a, Nangin nipui le thlasik hi i siem a.

ISAI 14:31

Aw kawtkhâr, khêk rak rak rawh; aw khawpui, khêk rawh; aw Philistin, i pumin, în tuihmang zo tah; hmârtienga inthawkin meikhu a hung suok si a; an hun ruotahai chun ân hnu hrim an um ngai nawh.

ISAI 34:17

Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

DANIEL 11:27

Chun, hi lal hai ve ve hi chu; an lungrilhai chu thil suol thawna lungril nîng a ta; dawkân hmunkhata chun thukhêlhai hril an tih; nisienlakhawm, hlawtling naw ni a, a tâwpna chu hun ruota chun a la ni ding a ni si a.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khawhlotaka ei thaw am a na?

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

1 KORINTH 15:22

Adama chun mi po po an thi hlak angin, Kristaa chun mi po po sukhringin um bawk an tih.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.