THILTHAWHAI 17:24 - Pathien Lekhabu Inthieng (BSI)

²⁴ Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.

THILTHAWHAI 17:24 ပူးပေါင်းရင်းမြစ်များ

INṬANNA 1:1

A tîrin Pathienin hnuoi le vân a siem a.

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INṬANNA 14:22

Abram chun Sodom lal kuoma chun, “Hnuoi le vân neitu Lalpa Pathien Chunghnungtak tieng chun ka bân ka phar tah a nih;

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 LALHAI 19:15

Chun, Hezekia chu Lalpa hmaah a ṭawngṭai a, “Aw Lalpa, cherubhai chunga ṭhung, Israel Pathien, nang, nang chau hi hnuoi chung ram po po Pathien chu i nih; hnuoi le vân hi nangma siem a nih.

2 CHANCHIN SUINA 2:6

Amiruokchu, vân le vânhai vân khawm chun ama chu a dâwl nawh ti hmuin tuin am ama ta ding chun in bâwl thei a ta? Ama hmaa riminhnik rawna ding ti chau naw chu, ama ta dingin in ka hang bâwlpêk chu, a tu ang am ka ni hrim a?

2 CHANCHIN SUINA 6:18

Nisienlakhawm, thilthaw tinrêngah mihriemhai lai Pathien chu a khawsa ding am a nih? Ngai ta, vân le vânhai vân khawm chun nang chu a dâwl naw che a nih; hi in ka bâwl lem hi chu a chîn nasa âwm de!

INPÂKNA HLABU 115:16

Vânhai khi Lalpa vânhai a na, Leihnuoi ruok hi chu mihriem nauhai kuomah a pêk a nih.

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; Lalpa Pathiena beiseina neitu chu.

INPÂKNA HLABU 148:13

Chuonghai chun Lalpa hming chu inpâk raw se, A hming chau chu chawisângin a um sih a; A ropuina chun hnuoi le vân a khûm dai a.

INPÂKNA HLABU 24:1

Leilung hi Lalpa ta a na, a sûnga um po pohai leh, Khawvêl le a sûnga chênghai le hin.

ISAI 40:12

Tuin am tuihai chu a kutpha zâwla chau inkhi a, vân khi khâp chaua inkhi a, hnuoia pilvut hi tekhâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le?

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, Lalpa, kâwlkawdawng chen Siemtu chu, a châu ngai naw a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vânkhuphnuoia inthawk le leihnuoia inthawk chun bohmang an tih.

JEREMIA 23:24

Lalpa chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ Lalpa chun a tih.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khawhlotaka ei thaw am a na?

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

MATTHAI 5:34

Kei ruok chun ka ti cheu hi, vânni hrim hrim khâm naw ro, vân sâlin amanih inkhâm naw ro, achu Pathien Lalṭhungpha a ni si a; hnuoi sâl khawmin inkhâm naw ro, achu a ke innghatna a ni si a;

LUKA 10:21

Chun, chu lai tak chun Isu chu Thlarau Inthiengah a lâwm bêk bêk a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautêhai kuomah i puong lei hin kân pâk che; anih, Pa, chuong anga thaw chu i ngaiin a ṭha a nih.

JOHAN 1:1

A tîrin Thu a um, Thu chu Pathien kuomah a um, Thu chu Pathien a nih.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

THILTHAWHAI 4:24

Chuongchun, a ngaihai chun a ruolin rawl inringtakin Pathien kuomah, “Lalpa, nang hnuoi hai, vân hai, tuisuoriet hai, a sûnga um po pohai siemtu i nih;

THILTHAWHAI 7:48

Nisienlakhawm, Achunghnungtak chu kuta bâwl inhaia a um ngai nawh; zâwlnei chun:-

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:19

Pathienin ân hriettir ta leiin, Pathien chanchin hriet dinghai chu an lungrilah inhriettirin a um si a.

DÂN PAHNINA 10:14

Ngai ta u, vân dâm, vânhai vân le, hnuoi le a sûnga um po po hi Lalpa in Pathien ta vawng a nih.

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 3:4

Sûng tin hin a puipa tu amanih bêk an nei seng hlak a, iengkima a puipa ruok chu Pathien a nih.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.