THILTHAWHAI 17:14 - Pathien Lekhabu Inthieng (BSI)

¹⁴ Chuongchun, unauhaiin tuipui chena fe dingin Paula chu an tir suok ta a, Sila le Timothe ruok chu chutaka chun an la um zing a.

THILTHAWHAI 17:14 ပူးပေါင်းရင်းမြစ်များ

MATTHAI 10:23

“Chuongchun, hi khuoa hin an suknawmna pha cheu, khaw dangah tlân san ro; titakzetin ka hril cheu hi, Mihriem Naupa a hung hmain Israel khuohai chu fang suok naw ti niu.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 15:22

Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an ti a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.

THILTHAWHAI 16:1

Chun, Derbe le Lustraa chun a fe bawk a; chun, chutaka chun, a hming Timothe inchûktir pakhat a um; ama chu ringtu Juda nuhmei naupa a na, a pa ruok chu Grik a nih;

THILTHAWHAI 17:10

Chun, unauhai chun a zân a zânin Paula le Sila chu Beroia khuoah an infetir nghâl ta a; chu hmun an va tlung chun, Judahai inkhâwmna inah an lût a.

THILTHAWHAI 17:15

Chun, Paula ṭhuoituhai chun Atheni chenin an ṭhuoi a; chun, Sila le Timothe chu inhmawtaka a kuoma fe vakna ding thu incha chu phurin an kîr ta a.

THILTHAWHAI 17:4

Chuongchun, anni laia ṭhenkhat chu zâwrthlûkin an um ta a, Paula le Sila chu an pâwl ta a; Pathien ngaisak Grik mipui nasatak le nuhmei ṭhuoitu tamtak leh.

THILTHAWHAI 17:6

Chun, anni chu an hmu naw a, Jason le unau dang tuhai amanih khaw hotuhai kuomah an kei lût a, an khêk a, “Khawvêl chawkbuoituhai kha hitaka khawm hin an hung a,

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um ta a, Isu kha Krista a nih ti Judahai chu a hrilfie a. Nisienlakhawm, an kalin an hrilpâwi a,

THILTHAWHAI 19:22

Chuongchun, a ṭhangpuitu pahni, Timothe le Erasta chu, Makedoniaah ân fetir zet a, ama ruok chu Asia ramah a um hri a.

THILTHAWHAI 20:3

Chun, chutaka chun thla thum a thang hnungin Suria ram tieng lawngin a fe ding a na, Judahaiin ama an phierrûk leiin Makedonia rama fe nghâl a tum nâwk lem ta a.

THILTHAWHAI 9:25

Nisienlakhawm, a închûktirhaiin ama chu an ṭhuoi a, zânah kul tukverah bâwmin an thlâk thla ta a.

THILTHAWHAI 9:30

Chun, unauhai chun chu chu an hrietin, Kaisari khuoah an ṭhuoi thlâk a, Tarsa khuoah an tir ta dai a.

1 TIMOTHE 1:3

Makedonia rama ka fe ding laia Ephesia um zing dinga ka ngên che ang khan, mi ṭhenkhathai chu inchûktirna danglam hrim inchûktir lo dinga i kâwk theina ding le,

TITA 1:5

Hi lei hin Kret thlierkâra khan ka mâksan che a nih: thil sukfel bâkhai chu i sukfel pei theina ding le, thu ka pêk che ang khan khaw tinah upahai i ruotna dingin;

JOSUA 2:16

Chun, an kuoma chun, “Tlâng tieng panin fe ro khai, chuong naw chun, a hnawttuhai cheu khan hmu hlau rawi an ti cheu; chutaka chun ni thum vân bihmang unla, a hung hnawttuhai cheu kha an kîr nâwk hmakhat chun: chu zoa chun fe chau ro,” a ta.