THILTHAWHAI 17:11 - Pathien Lekhabu Inthieng (BSI)

¹¹ Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

THILTHAWHAI 17:11 ပူးပေါင်းရင်းမြစ်များ

JOB LEKHABU (THE BOOK OF JOB) 23:12

A hmûrhaia inthawka thupêkhaia inthawk chun ka fe pêt ngai naw a, Ka fâk ding pawimaw nêka nasa lemin a baua thuhai chu ka sie khâwl lem a.

INPÂKNA HLABU 119:100

Tarhai nêk chun ka hriet thiem lem a nih, I thununna thuhai hi ka vawng ṭhat leiin.

INPÂKNA HLABU 119:148

I thu ka ngaituo theina dingin, Ka mitin zân vêng hunbihai chu a meng khal hlak.

INPÂKNA HLABU 119:97

Aw, i dân hi ka va ngaina de aw! Sûnnithlâka ka ngaituo hlak chu a nih.

THUVARHAI 1:5

Mi var chun a hriet a, thiemnaa chun a belsa theina ding le, Hrietthiemna nei mi chun rorêlna ṭhahai chu a changna dingin;

THUVARHAI 8:10

Tangka ni lovin, ka inchûktirna hi lo pawm ro, Rangkachak ditumtak nêkin hrietna chu lo chang bawk unla.

THUVARHAI 9:9

Mi var kuoma chun inchûktirna pe la, ama chu hung var nâwk sawt a ta, Mi fel chu inchûktir la, ama chu thiemnaa chun hung pung a tih.

ISAI 34:16

Lalpa lekhabuah zawng unla, tiem ro; chuonghai laia chun pakhat khawm a kim naw um naw ni a, pakhat khawm kawppui nei naw um naw ni; ka bau ngeiin thu a pêk a, a thlarau ngeiin chuong chu a ṭhuoi khâwm tâwl ta si a.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

JEREMIA 2:21

Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

MATTHAI 13:23

Chun, leihnuoi ṭha chunga the chu, thu chu naa hre a, a ngaina hre bawk hi a nih. Chu chu a ra ngei a, ṭhenkhat a lêt za dâm, ṭhenkhat a lêt sâwmruk dâmin, ṭhenkhat a lêt sâwmthum dâmin a pung hlak,” a ta.

LUKA 1:2

a tira inthawka mita hmutuhai le thu rawngbâwltuhaiin, an mi hril sawng ang tak khan, mi tamtakin ziek an tum ta hlak a;

LUKA 11:3

Ni tin kan fâk khawpin bu mi pe la,

LUKA 16:29

Abraham ruok chun, ‘Mosie le zâwlneihai an nei annâwm; chuhai thu chu ngai raw hai se,’ a ta.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 3:21

Amiruokchu tûkhawm a thaw dik phawt chu, an thilthawhai Pathien leia thaw an ni ti ân langna dingin, varah an hung hlak,” a ta.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

THILTHAWHAI 10:33

Chuleiin, i kuomah mi ka hung tir nghâl tah a nih; i hung hi a ṭha ie. Chuongchun, Lalpain thu a pêk taphawt che hre dingin tuhin Pathien mithmuin kan rêngin hitaka hin kan um a ni hi,” a ta.

THILTHAWHAI 11:1

Chun, Juda rama tirko le unau umhai chun Jentailhai khawmin Pathien thu an zâwm ti an hriet ta a.

THILTHAWHAI 17:1

Chun, Amphipoli le Apollonia an khêl a, Thessalonika an tlung ta a; chutaka chun Judahai inkhâwmna in a um a.

THILTHAWHAI 2:41

Chun, a thu zâwm taphawt chun baptisma an chang ta a; chu nia chun mi sâng thum lai belsain an um a.

DÂN PAHNINA 29:29

Thil inthuphai chu Lalpa ei Pathien ta a na, thil suklanga umhai ruok chu hi dân thuhai po po hi ei zâwm theina dingin eini le ei thlahai ta ding a nih.

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

2 THESSALONIKA 2:10

bohmang zinghai dinga fel nawna hlêmna tinrêng leh nîng a tih, sandama an um theina dinga thutak hmangaina chu an pawm naw leiin.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.