THILTHAWHAI 16:16 - Pathien Lekhabu Inthieng (BSI)

¹⁶ Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.

THILTHAWHAI 16:16 ပူးပေါင်းရင်းမြစ်များ

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

1 CHANCHIN SUINA 10:13

Chuongchun, Saula chu Lalpa chunga a ringum nawna leiin a thi ta a; Lalpa thu chu a zâwm naw a, khawhri zâwl aisânthiem chu zawng suokin a râwn a,

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi Lalpa in Pathien chu ka nih.

LEVI DÂN 20:27

“Pasal khawm, nuhmei khawm, khawhri aisânthiem amanih, dâwithiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ti rawh,” tiin.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipuihai laia inthawk chu sukbohmang ka tih.

THILTHAWHAI 16:13

Chun, Châwlniin kul kawtkhâr puo tienga vadung panga, ṭawngṭaina hmun ni dinga kan ringa chun kan fe a; chun, kan ṭhunga nuhmei hung khâwmhai kuoma chun thu kan hril a.

THILTHAWHAI 16:18

Chuong ang chun, ni sâwt rei a thaw hlak a. Chuongchun, Paula chu a lungni ta naw a, a ngha a, khawhri kuoma chun, “Isu Krista hmingin a sûnga inthawkin suok thu ka pêk che,” a ta. Chun, chu lai tak chun a suok nghâl ta a.

THILTHAWHAI 16:19

Chun, a puhai chun an sum hmuna ân hmang ti an hriet a, Paula le Sila chu an man a, hotuhai hmaah dâwr hmunah an kei lût a.

THILTHAWHAI 19:24

Mi pakhat a hming Demetria, tangkaruo suttu, tangkaruoa Diana biekna in siemtu chun, a siemthiemhai kuomah inhlawna tamtak a pêk hlak a.

GALATI 5:20

milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

1 TIMOTHE 6:10

Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

2 TIMOTHE 3:8

Chun, Janni le Jambriin Mosie an kal ang khan, chuong mihai khawm chun thutak hi an kal hlak, lungril se tah, ringna kawnga chun Pathien dit naw zawng mi an nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

1 SAMUEL 28:3

Samuel chu a thi ta a, Israel mihai po poin an ṭa a, ama khuo ngei Rama khuoa chun an phûm ta a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng ta a.

1 SAMUEL 28:7

Chuongchun, Saula chun a siehlawhai kuoma chun, “Khawhri aisânthiem zâwl nuhmei a kuoma ka fea ka râwn dingin mi zawngpêk ro,” a ta. Chun, a siehlawhai chun a kuomah, “Ngai ta, Endor khuoah khawhri aisânthiem zâwl nuhmei a um annaw,” an ta.