THILTHAWHAI 15:7 - Pathien Lekhabu Inthieng (BSI)

⁷ Chun, an insêl rak hnungin Peter a tho a, an kuomah, “Unauhai, Jentailhaiin keia baua Chanchin Ṭha thu hrea awi dingin, Pathienin inhmaa nangni laia inthawka a mi ruotzie kha in hriet.

THILTHAWHAI 15:7 ပူးပေါင်းရင်းမြစ်များ

FESUOKNA 4:12

Chuongchun, tuhin fe la, kei i bauah um ka ta, i thuhril ding chu inchûktir ka ti che,” a ti a.

JEREMIA 1:9

Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 3:27

Johanin a dawn a, “Mihriemin iengkhawm an nei thei nawh, vâna mi pêk a ni naw chun,

THILTHAWHAI 1:16

“Unauhai, Thlarau Inthiengin, David baua, Isu mantuhai ṭhuoitu Juda thu a hrillâwk kha, kha Pathien Lekha Thu kha hung tlung ding a ni hrim a nih.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

THILTHAWHAI 10:19

Chun, Peterin a mang thu chu a ngaituo laiin, Thlarauin a kuomah, “Ngai ta, mi pathumin an zawng che.

THILTHAWHAI 10:20

Chuongchun, tho la, ṭum la, iengkhawm ringhla lovin anni zui rawh; anni chu ka itir an nih,” a ta.

THILTHAWHAI 13:2

Chun, Lalpa rawng an bâwl a, bu an nghei laiin, Thlarau Inthiengin, “Barnaba le Saula hi anni ka ruot ang san thaw dingin mi suktumpêk ro,” a ta.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

THILTHAWHAI 15:2

Chuongchun, Paula le Barnaba chu anni le chun namênlovin an insêl a, an inkhing tlat leiin, Paula le Barnaba chu, anni laia mi ṭhenkhat leh, chu thubuoi chunga chun, Jerusalema tirkohai le upahai kuoma hang fe dingin an ruot a.

THILTHAWHAI 15:39

Chuongchun, nasatakin an lo insêl ta a, an inṭhe a, Barnaba chun, Marka chu a kuomah a ṭhuoi a, Kupra thlierkâr tieng lawngin a fe ta a.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:16

Kaisaria mi inchûktir tuhai amanih kan kuomah an fe ve a, anni chun a hming Mnason, inchûktir hmasa pâwl, Kupra thlierkâra mi pakhat, kan tlung-in dingpa chu an ṭhuoi ve a.

THILTHAWHAI 3:18

Nisienlakhawm, Pathienin zâwlnei po po bauah, Krista chun rinum a tuor ding thu ân hriettir lâwk kha; khâng ang khan ân tlungtir ta lem a nih.

THILTHAWHAI 4:25

nangin Thlarau Inthiengin, kan thlatu i siehlaw David bauin, hieng thu hi i hril a nih:- ‘Jentailhai iengdinga an lunginsen am? Hnam tinin iengdinga thil teplo an ngaituo am a na?

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

PHILIPPI 2:14

Chierna le insêlnahai um lovin iengkim thaw ro,