THILTHAWHAI 15:23 - Pathien Lekhabu Inthieng (BSI)

²³ Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 15:23 ပူးပေါင်းရင်းမြစ်များ

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 11:20

Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve ta a.

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 15:1

Chun, mi tuhai amanih Judai rama inthawkin an hung thla a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.

THILTHAWHAI 15:2

Chuongchun, Paula le Barnaba chu anni le chun namênlovin an insêl a, an inkhing tlat leiin, Paula le Barnaba chu, anni laia mi ṭhenkhat leh, chu thubuoi chunga chun, Jerusalema tirkohai le upahai kuoma hang fe dingin an ruot a.

THILTHAWHAI 15:22

Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an ti a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.

THILTHAWHAI 15:4

Chun, Jerusalem chu an hang tlung chun, kohranhai, tirkohai, upahai chun an lo lâwm a, chun, Pathienin anni hmanga thil a thawhai po po chu an hril a.

THILTHAWHAI 15:41

Chun, kohranhai chu sukdet peiin Suria le Kilikia ram a fang suok ta a.

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawngbauṭhain a ṭhe a, chutaka inthawk chu Suria ram tieng lawngin a fe ta a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

THILTHAWHAI 21:25

Jentailhai laia ringtuhai thu chu, milim biekna thil fâk kawnga dâm, sa thisen fâk kawnga dâm, sa râkhlum fâk kawnga dâm, indit kawnga dâm an insukthieng ding a nih, tiin ei rêl a, ei ziek ta kha,” an ta.

THILTHAWHAI 21:3

Chun, Kupra thlierkâr kan hmu a, vawitieng panin kan khêl a, Suria ram tieng kan fe pei a, Turaa chun khawmuolah kan suok phawt a; chutaka chun lawnga thuomhnaw thak suok ding a ni a.

THILTHAWHAI 23:26

“Klaudi Lusiain Felik Bawrsâp ṭhatak chibai a bûk.

THILTHAWHAI 6:9

Nisienlakhawm, Sal suokhai, Kurinia mi dâm, Alexandra khuoa mi dâm, inkhâwmna an tia mi ṭhenkhat leh, Kiliki rama mi dâm, Asia ram mi inkhâwmna ina mi ṭhenkhathai an hung inthawk a, Stephan chu an hung sêl a.

GALATI 1:21

Chu hnunga chun Suria le Kiliki ramahai ka hung ta a.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

2 JOHAN 1:10

Tûkhawm, chu inchûktirna thu chu hung chawi lova, in kuomah hung chun, in inah intlungtir naw unla, ṭawngbau ṭha khawmin inthla naw ro;

2 JOHAN 1:13

I zuorpuinu thlang nauhaiin chibai an bûk che.

2 JOHAN 1:3

Pa Pathien le Pa Naupa Isu Krista kuoma inthawkin, lunginsietna dâm, zângaina dâm, inremna dâm chu, thutak le hmangainain ei kuomah um a tih.

3 JOHAN 1:14

sâwtnawtê hnunga hmu che ka beisei lem a, chuongchun, inhmatuoin inbieng ei tih.