THILTHAWHAI 15:22 - Pathien Lekhabu Inthieng (BSI)

²² Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an ti a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.

THILTHAWHAI 15:22 ပူးပေါင်းရင်းမြစ်များ

2 SAMUEL 3:36

Chu chu mi po poin an hriet chun an lâwm êm êm a, lal thilthaw taphawthai chun mipuihai po po chu a suklâwm pei a.

2 CHANCHIN SUINA 30:12

Chun, Juda rama khawm chun Lalpa thua hotuhai le lal thupêk ang chu thaw dingin inthuruolna Pathienin a pêk a.

2 CHANCHIN SUINA 30:4

Chun, chu thil chu lal le mipuihai ngaia chun ân dik a.

THILTHAWHAI 1:23

Chun, mi pahni an ruot a, pakhat chu Josef Barsabba an ti chu, (a hming dang Justa an ti bawk a). Chun, pakhat chu Matthia a nih.

THILTHAWHAI 11:19

Chun, Stephan leia an suknawmnata indarhai kha, Phoiniki ram dâm, Kupra thlierkâr dâm, Antiokei dâm chenin an fe a, Judahai kuoma chau naw chu tu kuoma khawm thu an hril naw a.

THILTHAWHAI 11:20

Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve ta a.

THILTHAWHAI 11:22

chun, an chanchin chu Jerusalema kohran umhai naa chun a hung lût ta a; chuongchun, Antiokei chen chun Barnaba chu an tir suok ta a.

THILTHAWHAI 11:27

Chun, chuong lai chun zâwlnei tuhai amanih Jerusalema inthawkin Antiokeia chun an zu fe a.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 15:25

Chuleiin, inthuruola kan inkhâwmin, kan dittak Barnaba le Paula,

THILTHAWHAI 15:27

Chuongchun, Juda le Sila kan hung tir a ni hi, anni khawmin hieng thu bawk hi ṭawng bauin hril an ti cheu.

THILTHAWHAI 15:3

Chuongchun, kohran chun an hang inthla a, anni chun Jentailhai nghat kîr nâwkzie thu chu hril peiin Phoiniki ram le Samari ram an fang suok ta a; chuongchun, unauhai po po an suklâwm bêk bêk a.

THILTHAWHAI 15:30

Chuongchun, an itir chun an fe a, Antiokei chu an zu tlung a. Mipui chu an ko khâwm a, lekha chu an pêk a.

THILTHAWHAI 15:32

Chun, Juda le Sila chu zâwlnei an ni bawk a, thu tamtakin unauhai chu an thlamuon a, an sukdet a.

THILTHAWHAI 15:40

Paula ruok chun, Sila a thlang a, unauhaiin Lalpa lunginsietna an inkawltir hnungin a fe suok ta a.

THILTHAWHAI 16:19

Chun, a puhai chun an sum hmuna ân hmang ti an hriet a, Paula le Sila chu an man a, hotuhai hmaah dâwr hmunah an kei lût a.

THILTHAWHAI 16:25

Nisienlakhawm, zân rila chun, Paula le Sila chu Pathien kuomah an ṭawngṭai a, hla an sak a, intânghai chun an ngai a;

THILTHAWHAI 16:29

Chun, a vêngtu chun khâwnvarhai a lam a, ân châwm lût a, ṭia inthin pumin Paula le Sila hmaah a bawkkhup a.

THILTHAWHAI 17:10

Chun, unauhai chun a zân a zânin Paula le Sila chu Beroia khuoah an infetir nghâl ta a; chu hmun an va tlung chun, Judahai inkhâwmna inah an lût a.

THILTHAWHAI 17:14

Chuongchun, unauhaiin tuipui chena fe dingin Paula chu an tir suok ta a, Sila le Timothe ruok chu chutaka chun an la um zing a.

THILTHAWHAI 17:4

Chuongchun, anni laia ṭhenkhat chu zâwrthlûkin an um ta a, Paula le Sila chu an pâwl ta a; Pathien ngaisak Grik mipui nasatak le nuhmei ṭhuoitu tamtak leh.

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um ta a, Isu kha Krista a nih ti Judahai chu a hrilfie a. Nisienlakhawm, an kalin an hrilpâwi a,

THILTHAWHAI 8:14

Chun, tirko Jerusalema umhai khan Samari khuoa mihaiin Pathien thu an awi ti an hrietin, an kuomah Peter le Johan chu an tir a.

2 KORINTH 1:19

Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si naw a; amaa chun, “A nih,” ti a um lem a nih.

1 THESSALONIKA 1:1

Paula le Silvan le Timothe chun: Pa Pathien le Lalpa Isu Kristaa Thessalonikaa kohranhai kuomah: Lunginsietna le inremna in kuomah um raw se.

2 THESSALONIKA 1:1

Paula le Silvan le Timothe chun: Pathien ei Pa le Lalpa Isu Kristaa, Thessalonikaa kohranhai kuomah:

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.